15 49.0138 8.38624 1 1 4000 1 http://wyrta.com 300

Da pyndep ya ka Kbai Mooknor ka Raij Jowai

0 Comments

Jowai: Ynne ka sngi Musiang 12 u Wisu 2018, hapoh ka Raij Jowai da sakhi wa da sdang ya ka Kbai Mooknor kawa man hei yahkhmat u Dolloi u Puramon Kynjing chirup i synranlang u Pator u Raymon Nartiang, u Langdooh u Samboon Siangbood ki Sangot, ki wasan waheh deilang ki waheh wasian ka Raij Jowai.

Ha kani ka sngi chwa wow lai chakhmat ka Blai ka Syiem wow e wyrta chula najrong u Mooknor wa em ha Iawmusiang, da em chwa i yachemlang na Yung Langdoh heiwa u Pa Dolloi ka Elaka Jowai da kdar u wow e kyntien sñiawngooh ya kiwa yachimbynta ha kani ka sngi kamjooh leh wow khana pynsñiaw ya ki sarin yong ki kam ka Dorbar Niam ki wow leh u pyndep ha uni u Wisu 2018.

Yei e wyrta chula najrong u Mooknor ha kani ka sngi katkam ka nongrim ka niam da leh da pyndep da u Chutia heiwa ka wyrta chula wa e u hakhmat ki wa chongyaaw chonghat wa kiwa lai yaaw lai hat toh kawa ong, “Kam wa dakheiñ u snem u bnai dapoi i por i samooid hapoh ka chnong ka Raij wow sdang ka niam ka rukom “Thoh Langdoh” tæ nadooh myntu ka sngi ymhoi de u rah chyieň rah chrooh na ryngkaw para chapoh ka chnong ka raij næ napoh ka chnong ka raij cha ryngkaw para, iwa mut nadooh kani ka sngi ki khon ka Ñiamtre wa em hapoh ka Raij Jowai wa kiwa em ha kiwi ki Raij ki chnong emkaam u man ki kiwa tip u burom ya ki adong niam kiwa da dep pynthiah pynchong nadooh na warim.”

I pyndep ya ka kbai Mooknor ha kani ka sngi toh man ko chibynta i sdang ka niam “Thoh Langdoh” hapoh ka raij kawa daw pyndep yei engooh, e bhah e bynta yow Blai Langdoh ha ka sngi Hat 16 u Wisu 2018 ha i thaw wa em u Moo Langdoh hei doh i pran ka Khloo Langdoh.

Advertisement ad1

Pynkhooid dong ka Moosyiem, Shangpung wei da m....

Previous

Dawa ka JSM wow khang ya ka karkhana pynmih Co....

Next

0 Comments

Leave a Reply