15 49.0138 8.38624 1 1 4000 1 http://wyrta.com 300

Da pynhaap pyrda ya ka yakob yalehke ka TKSCSC ha Tuber Kmai Shnong

0 Comments

Jowai: Ka lympung  yalehke Football wada pynman da ka Tuber Kmai Shnong Social Cultural & Sports Club (TKSCSC), Tuber Kmai Shnong da poi ko chawa kut ha ki ar sngi ha ka Thohdieñ wa Sngi Choh-that.

Ha ka Final neibynta ki Chynrang 14-snem ka Nongsyntoin UP School da jop ko ya ka Robinson Memorial Sec. School lyngba ka Tie Breaker da 5-4, ya i naam Player of the Tournament da yoh da u Pul Phawa (Nongsyntoin UPS), Goal Keeper of the Year da yoh da u Haudamanki Lyngdoh (Robinson Memorial Sec. School), ya i naam Best Discipline da yoh da ka Tep Kyndait Govt. UP School.

Advertisement ad1
Advertisement ad1
Advertisement ad1

Da pynbood won ya ka Final yong ki TEAM-B (retired) ha ka jooh ka sngi heiwa ka Dranage FC da jop ko ya ka Khliehpynthor SC da 1-0. Wei ya kani ka sngi da wan sakhi da u Kerbhami Dkhar Wapung Chnong, kam u kongsan wa ki wi ki wi ki waheh.

Ynnin ka 6 tarik won da pynman leh ya ka Marathon heipor 6:00 waje i step neibynta chynrang wa kynthai heiwa da wan chim bynta hadooh 82 ngut.

Ha kani ka yakob phet pyllah neiliang ki chynrang da jop da u Rubi Sana, wa ar da u Loinmi Phawa, wa le u Wanbha Sana. Neiliang ki kynthai da jop da ka Nimon Phawa, wa ar ka Beauty Phawa, katwa hei wa le won ka Rukini Dkhar.

Heipor 12:30 i sngi da pynbood saka Final Football neibynta ki kynthai heiwa ka Kordeinlin Sport Club da jop ko ya ka Nongsyntoin UP School lyngba ka Tie Breaker da 4-2 wei heipor 2:00 waje i sngi da pynbood ya ka Final Football Team- A (Open To All ) heiwa ka Neinshnong-B SC da jop ko ya ka O.K United FC da 3-0.

Yei naam Player of Tournament da yoh da u Shainki Dkhar (Neinshnong -B SC), Goal Keeper Of the Year da yoh da u Pharki Ryngkhlem (Neinshnong-B SC), Best Discipline da yoh da ka Kordeinlin Sport Club wei ha kani ka Sngi da wan sakhi da u Honey Bareh (Wahehshnong Lumputhoi) kam u kongsan haryngkat i emlang u Wanthmu Phawa, Richmon Dkhar, Embi H Sana wa kiwi kiwi ki waheh.

Ka TKSSCSC da kyrmen ko wa neini chakmat daw pynman chiboon ki yakob sport neibynta wow kyntu kynrong ya ka sap ki khynnah khynroo wa khyllood ka chnong wa ka District hi waroh kawi.

Advertisement ad1

Da ka Youth Parliament pynman ka IKLTSS ha San....

Previous

Ha ka 12 Khonchonglad u bichaar ka SC ya ka hu....

Next

0 Comments

Leave a Reply