15 49.0138 8.38624 1 1 4000 1 http://wyrta.com 300 0
Advertisement ad1

Da pynkut ya ka 30th National Road Safety Week ha Shillong

0 Comments

Shillong: Ka 30th National Road Safety Week hajrong ka phang ‘Sadak Suraksha-Jeevan Raksha’, da pynkut ya ka ynne ka sngi ha ka yalang wa pynman ha U Soso Tham Auditorium, Shillong heiwa u Chief Secretary ka jylla, u Y Tsering, da man u kam u kongsan hei emlang u M.R. Synrem, Commissioner and Secretary ka chnat Transport Department.

Ya kani ka Week da pynman da ka chnat Transport Department, ka Police Department wa ka Meghalaya District Administration dei thmu wow pynche paidbah hajrong ki aiñ yah kari khnang wow pynduna ya i yatyrrah kari.

U Y Tsering hawa e yei klam da ong u wa man u snem da ki lak ngut wa dooh yei mynsien yong ki nei yatyrrah kari ha kylleiñ ka pyrthai wei iwa boon dooh neini jia i nei wym bood ya ki kyndon yah kari.

Chooh chooh u Tsering da kyntu u wow pynduna noh wow pynemkaam ya ki mobile heikpor wa yah kari, wow pyndait Seat-Belt, wow sap Helmet wa kiwi kiwi.

Ha kani ka sngi da yahkhmat yei baam smai hajrong ka Road Safety Pledge ya kawa da yahkhmat da u Tsering.

Kiwi kiwa da klam ha kani ka sngi toh ka Deputy Commissioner, East Khasi Hills District, ka M.W. Nongbri, u DSP Traffic, u W.M. Momin, wa kiwi kiwi.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply