Advertisement ad1

Jowai : Ya kani ka 3rd Basketball Tournament wa pynman da ka West Jaintia District Sports Association da sdang nadooh ka 7 tarik u Duyatra wei da poi ko cha wa kut ynne ka 16 tarik ha madan Kiang Nangbah ha Ladthadlaboh, Jowai.

Ha kani ka yakop Basketball da em 8 tylli ki dhab ki wa wan chimbynta na liang ki chynrang wa kynthup ya ka New Hill, Ladthadlaboh, Mookyrdup A, Khimusniang, 7 Wasa, Mokyrdup B, Lion SC wa ka Dong Mihsngi.

Advertisement ad1

Na liang ki kynthai da em du artylli ki dhab wa wan chimbynta kitæ toh ka Ladthadlaboh A wa ka Ladthadlaboh B.

Ha chwa u sdang ya kani ka yakop phainal da em chwa ka yalang wa tbian wa pyllai da u ma P. Lamare, Vice President ka WJDSA hei emlang u ma EMH Passah, Working President WJDSA, ki dkhot ka seiñ wa ki wa wan peitke. Ka kong E. Laloo da man ko kam ka kongsan ha kani ka sngi.

Kyruiñ cha ka yalehke ynne ka sngi da man ko wa yathaiñ bha ha pyrdi ki ar tllyi ki dhab na ka liang ki chynrang wa poi cha kani ka phainal kitæ toh ka Lathadlaboh wa ka 7 Wasa.

basketball4

Hadien wa kut ki soo bynta (quarter) ka yakhun ka Ladthadlaboh da jop ko ya ka 7 Wasa da 21 point la 20 point.

Neiliang ki kynthai won ka Ladthadlaboh A da jop ko ya ka Ladthadlaboh B da 15 point la 6 point.

basketball1

basketball2

Da saam ya ki prize cha ki dhab wa jop kamjooh cha ki wa rem da ka kongsan deilang wa ki dkhot ka WJDSA.

Da leh burom leh ya u ma Fragnancy Toi yong ka New Hill deiwa pynkup ya oo da i naam ‘Oldest Player’ neidaw wa dang chongchit u wow yachim bynta ha kani ka yakop diewa pyllait por han lada man u u bru wa boonkam.

Yei naam ‘Player of the Tournament’ da yoh da u Downipaia Thubru na ka 7 Wasa SC. Yei naam ‘Most Promising Player of the Tournament’ da yoh da u Kamda Thranghi Lyngdoh.

Ya ki ktien khublei da e da u ma J. Pasweth, Secretary ka Basketball.

basketball

Share this:
Share on Facebook0Tweet about this on TwitterGoogle+0
Advertisement ad1