Advertisement ad1

Shillong : Ka MBOSE da pyntip ko wa hadien i yoh bor na ka sorkar da pynkynriah noh ya ka tarik eksamin neibynta ka subjek Science & Technology yong ka class IX na ka 30 tarik uni u bnai cha ka 4 Kmaichonglad (December) wa daw wan. Da pynbna leh wa waroh ki Coordinating Officer toh u li chim ki ya ki kot jingkylli thymme yong ka subjek Science & Technology na ko ophis ka MBOSE wa em ha Shillong wa ha Tura ha ka 3 tarik u Kmaichonglad wei wow li booh ki cha ki skur ha ki Deposit Center, ar kynta chwa wow sdang ka eksamin ha ka 4 tarik.

Hei yatoh wa i lait tooh ki jingkylli ka MBOSE da ong wa waroh ki wa toh u pait ya ki Deposit Centers man ki wa kit khlieh yei wow syndong ya ki kot jingkylli eksamin khnang wow lait kin a ki kti yong ki bru kiwa chim kabu katkam ki kyndon wa da booh ka MBOSE. Kamtæ kiwa em kti heini pyllait tooh ya ki kot jingkylli daw chah pynchitom joor ki katkam ka aiñ.

Da pyntip leh waka MBOSE da dep ujor (FIR) kamjooh leh daw em ka takit bniah da ki bor ka board ha kini ki sngi wa daw wan.

Ini man i katkam wa da pynbna u Executive Chairman ka Meghalaya Board of School Education, E.P. Kharbih.

Share this:
Share on Facebook0Tweet about this on TwitterGoogle+0
Advertisement ad1