Advertisement ad1

Jowai : ynne ka sngi da pynlait ya kawi ka kot kawa da e pyrtuid ka “Ki Sur na dohnud” ha Yungwalieh ka Loompyrdi Iongpiah Jowai.

Advertisement ad1

Ya kani ka kot da thoh da u Wansalan E Dhar na Loompyrdi Iongpiah J0wai uwa da dep pynmih leh kamwa 4 tylli ki kot.

Kani ka kot toh kawa 5 na ki kot wada thoh da u Wansalan, ka kot wa nyngkong toh ka Umchangped, wa ar ka Niaw-Laho, wa le ka Thup ki sur Chad Rwai, wa soo ka Ai Huspai ka wasan won wada pyllait ha kani ka sngi “Ki sur na dohnud”.

Ha kani ka sngi da wan pyllait paidbah ya kani ka kot da u Prof. D. Kharmawphlang uwa man kam u kongsan hei em lang ki manbei manpa ki bru waheh wa kiwi kiwi.

Hachwa wow pyllait paidbah da em ka ngooh blai da u Pator u Raymon Nartiang, i klam na u Wansalan u nongthoh heiwa da ong u iwa pynman ya oo u mih madan wow thoh yaki kot toh yow man kam ka waje u kyrsu thiah yaka jaitbru, neibhah deiwa kbai du katwon ngut hi eh wa bien u chah chkoor, kamtæ ngait skem u lyngba ki kot man ko kawi ka laad u pynpsiah ha ki yung ki sem u pynkhyrngiat  yongbru.

U kongsan hawa e yei klam da yaroh u yow Wansalan wada chim u yaka yukit kawa khia haka jaitbru deiwa pynmih yaki jingthoh lyngba i thij i pyrkhat. Neibhah kawon kawon ka jaitbru wa dang ye u pynmih yow bru wa thoh wa tar man ka jaitbru wa dang em kyrmen.

U symbood kongsan u waheh K.W.Nongrum uwa man leh u Vice President ka Khasi Author Society e u i kyntu dei wow thoh yei won iwon wa em ha mynsien , neibhah i ye u pynmih ya ki kot yarap ko ya ka pateiñ u yoh yutip, wei kat iwa em ha mynsien yoh i ki u saam cha kiwi tawan.

Kiwi wa e yei klam kynthup ki yaka kong R. Pyrtuh Rtd. Vice Principal KNGC Jwai, u Rangbah Chnong K.F. Laloo, ma Dawmanchuh Lamar hei yalang wada pynlai da u Doloi wa chipor u ma Puramon Kynjing da pynkut dei kyntien khublei na u ma Richot Tre Pyrbot.

Share this:
Share on Facebook0Tweet about this on TwitterGoogle+0
Advertisement ad1