15 49.0138 8.38624 1 1 4000 1 http://wyrta.com 300 0
Advertisement ad1

Da pynman ya ka District Level Science, Mathematics & Environment Exhibition

0 Comments

Jowai: Ka District Level Science, Mathematics and Environment Exhibition wa chi sngi wa pynman ynne ka sngi da ka yung krehkaam ka District School Education, West Jaiñtia Hills, da pynman ya ka ha Government Boys Higher Secondary School, Jowai hajrong ka phang “Scientific Solutions for Challenges in Life” kawa da phiah sa 6 tylli ki chnat kiwa tip kam ka Resource Management, Waste Management, Mathematic Modelling, Transport and Communication, Health and Cleanliness wei da wan chimbynta 11 tylli ki skur napoh ka District.

U Arman Suchaing na KJP Synod Mihngi Higher Secondary School, Jowai da pynyoo u yei krehkaam ka ‘A Pheromone Trap on Fruit Insects’ hapoh ka phang Agriculture and Organic Farming, ka Anisha Padu na Nongtalang Government Secondary School, Nongtalang da pynyoo ko yaka ‘Project for Slides and Film Strips’ hapoh ka phang ‘Transport and Communication’ wei da chah jied ki wow mihkhmat ya ka District haka State Level Science Exhibition ka wow pynman haka 9 wa 10 tarik u bnai wow wan.

Da pynman leh ya ka yakob Extempore Speech kawa jop da u Arman Suchiang na KJP Synod Mihngi Higher Secondary School, Jowai, wa ar da yoh u Phrangki Reagen Roy Saio na Marian Hill Higher Secondary School wa le da yoh ka Dakashwa Langstang na Thadlaboh Presbyterian Higher Secondary School.  

Ka yung krehkaam ka Sub- Divisional School Education Officer da saam ko ya ki khusnaam cha kiwa jop wei da e leh ya ki Certification of Recognition cha ki 11 ngut ki khynnah naki skur wa wan chimbynta kiwa da chah jied haka State Talent Search Examination (STSTE) neibynta ki khynnah ri-loom haka Mathematics wa Science wa pynman daka Directorate of Educational Research and Training Meghalaya, Shillong haka 01-12-18.

Ya ka saam khusnaam da pynlai da u O. Laloo, Stats. Asst ka DSEO, Jowai heiwa u P. Passah, Principal ka Government Boys Higher Secondary, School, Jowai da man u kam u kongsan.

Hawa pdiang burom ya waroh, ka E.F. Shullai, SDSEO, Jowai da e yaroh ko ya waroh ki skur wa jop kamjooh kiwa wan chimbynta. Da sneiñ ko leh ya ki khynnah wow man kiwa sñiawkhian wei wow kreh chitom ha iwon iwon i kaam wa leh ki.

Kiwi de kiwa em ha kani ka sngi toh u Dr. Damewan Suchiang na Kiang Nangbah Government College, ka Dr. V. J Laloo, na chnat Health Department, u S. Syngkon na chnat Agriculture Department, kiwa sikai wa ki khynnah skur.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply