15 49.0138 8.38624 1 1 4000 1 http://wyrta.com 300

Da pynman ya ka esikai hajrong ka aiñ wow yada ya kiwa em i duna ha i doh i pran

0 Comments

Shillong: Ka One Day State Level Sensitization Workshop on the New Rights of Persons with Disabilities (RPwD) Act 2016 namo ka yalang wa chi sngi wa pynman yow pynsñiawthooh ya ka aiñ thymme wa chna ka sorkar neibynta ki bru wa duna hei doh i pran, da pynman ya ka ynne ka sngi ha Yojana Bhawan Auditorium, Meghalaya Secretariat, Shillong kawa wan chimbynta da u montri ka Social Welfare u Kyrmen Shylla kam u kongsan hei emlang u Additional Chief Secretary, Social Welfare, H. Marwein kam u symbood kongsan.

U montri hei klam yong oo da ong u wa ya kani ka aiñ RPwD da pynkrehkaam nadooh u Naitung (April) 2017, kamtæ da man ko i kitkhlieh ka sorkar wow pyntikna wa waroh ki kyndon kani ka aiñ u pynkrehkaam ya ki katkam wa toh u pynemkaam. Da ong u leh wa hapoh kani ka aiñ wa thymme da booh boon ki kyndon wa thymme yow yada yei hok ki bru wa em i duna hei doh i pran yong ki.

Advertisement ad1

Chooh chooh da ong u wa hapoh ka jylla Meghalaya ka sorkar da pynkrehkaam ko ya kiwa boon ki Scheme wow yarap yei emkaam kini ki bru lyngba ka Social Welfare wa kiwi ki tnat sorkar. Da pyntip u leh wa ka District Session Court da e bor ya ka wow man ko kam ka yungbichaar wa kyrpang namo ka Special Court ha kawi pa kawi ka District ki wow chong bichaar hapoh ka kyndon Section 84 yow suk kiwa duna hei doh i pran wow yoh ya ka bichaar ha ki thaw wa em pyn cha jan wa sah ki.

Ha chwa ini, u Prasanna Kumar Pincha, Special Rapporteur, Disabilities, National Human Rights Commission & Former Chief Commissioner for Persons with Disabilities, etc. da ong u wa kani ka aiñ  RPwD 2016 man ko kawa miat bha kawa tipmit ya kiwa duna hei doh i pran kam kiwa emkaam ka imlang sahlang kiwa ye leh u wanrah yei bha ha ka imlang sahlang wei kamjooh yow ye ki u im deiwa emburom.

Jied thymme ka Dorbar Chnong Sonapyrdi ya kiwa....

Previous

Kyntu u Conrad ya u Alphons wow pynkrehkaam no....

Next

0 Comments

Leave a Reply