15 49.0138 8.38624 1 1 4000 1 http://wyrta.com 300

Da pynman ya ka lehke wa tbian wow pynsñiawthooh paidbah yeiwa sih hawa chongkha khian rta

0 Comments

Jowai: Ka District Child Protection Unit Office hapoh ka Integrated Child Protection Scheme, Social Welfare Department West Jaiñtia Hills District, Jowai ynne ka sngi ha Iawmusiang, Jowai da pynman ki ya ki lehke droma yow pynsñiawthooh paidbah yei ktah ka chong kurim dang khian kamjooh ya ka aiñ POCSO wei ki laad wow ri ya ki khonswet khon rangli.

Ha kani ka sngi da pynman ya ka yalehke wa bood yeiwa jia ya ki arngut ki chi kurim kiwa dang hapoh 18 snem kiwa da yoh khon wei u pa man u uwa lai khih mylla cha ki chnong wa jngai wei hadien kattu katni por da ieh u ka ka kurim wow psa ya i khon kynthai pyn da ka samen.

Kamni ka manbei da ri ko ya ka khon hadooh wa da khai khyllood ko wei manda dap ko 14 snem wei ka bei won da yoh kurim ko da uwi uwa ha kawi ka sngi da slaitbor u ya kani ka khon hadooh wa punkhon ko wei da kha tooh ko ya ini i khon wei da ieh noh ka ki cha khloo.

Hadien wa mih khubor wa em wa chem ya ini i khonboo wei dang im hi i, kani ka khynnah da phla ko ha ka bei ko yeiwa jia wei wa ymnood ko u khana ya ka neidaw wa u panah ko da maham tynyap u ya ka bei ko wei ya ka leh kamjooh.

Kamtæ ki pulit da kem ki ya u panah wei ya i khnonboo da rai wow e kti noh cha ka sorkar yow ye ka bei u pyndep yei puræ puthi.

Ha kani ka sngi leh da pynyoo yeiwa jia heipor wa chong hapoh ki kari kamai, ki thaw puræ, ki yung ki sem kiwa, ki yaaw ki hat ya i rukom tba wa i chah jrong kti ya ki kynthai kiwa man pyrchah yei hok man kynthai yong ki.

Ya ka yalehke da chimbynta da ki khynnah ka Martin Luther Christian University, Shillong kamjooh kiwa kreh ka District Child Protection Unit Office.

Advertisement ad1

Kynreh ka KHNAM wa ki ar seiñ ya ki kot ki sla....

Previous

E sñiawbha u President ka UDP 4-Mowkaiaw da ki....

Next

0 Comments

Leave a Reply