15 49.0138 8.38624 1 0 4000 1 https://wyrta.com 300 0

Da pynman ya ka Seminar hajrong ki District Council Court

0 Comments

Shillong: U Chief Justice ka High Court of Meghalaya, u Justice Ajay Kumar Mittal, ynne da wai u ya ka Seminar on District Council Courts of Meghalaya ha Conference Hall, High Court of Meghalaya, Shillong.

Ya kani ka Seminar da pynman da ka Meghalaya State Judicial Academy heiwa da emlang u Justice H S Thangkhiew, Judge, High Court ka Meghalaya, u W Diengdoh, District Judge wa kiwi ki sahep ka High Court ka Meghalaya wa ki District Court.

U Justice Ajay Kumar Mittal hawa e yei klam da pynsñiaw u yei mynsien wa kmen wa ka Meghalaya State Judicial Academy da pynman ko ya kani ka Seminar. Da kyntu u leh ya kiwa ya chimbynta wow phyllu yumut bha ki wei wow pynyoo u kdaw yeiwa chem ki ha ki yung bichaar.

Da ong u wa ka Sixth Schedule yong ka riti synchaar ka ri man ko ka Constitution wa khian kawa pait wa synchaar ya ki thaw ri-loom yong ka thaaiñ mihsngi ka ri kawa da booh wow e bor ya ki bru ri-loom. Da ong u leh wa ka Article 244 yong ka riti synchaar klam ko yei synchaar ya ki thaw ri-loom.

Ya ka seminar ynne ka sngi da bhah ha ki 3 bynta kiwa klam ya ka phang (1) the Sixth Schedule, its Historical background and the implication of the Sixth Schedule for the tribes of Meghalaya; (2) Important decisions of the Supreme Court of India relating to the District Councils in Meghalaya and (3) the Powers and Functions of District Council Courts.

U Justice H S Thangkhiew, da ong u wa ka Autonomous District Council Court yong ka KHADC, JHADC wa GHADC da ebor ya ki wow booh ki ya ki yung bichaar wow chong bichaar ya ki mukotduma ki jaitbru ri-loom namo ki Scheduled Tribe. Ka District Council Court da em ko jar jiar kiwa bichaar namo ki Judicial Officer ya kiwa da khut kam ki Judge wa Magistrate ya kiwa da thung da ka Executive Committee deiwa yohbor na u lat katkam ka The United Khasi-Jaintia Hills District (Administration of Justice) Rules, 1953. 

Da ong u leh wa hapoh ka United Khasi-Jaintia Hills District (Administration of Justice) Rules, 1953, da bhah le tylli ki yung bichaar kiwa tip kam ki Village Courts, Subordinate District Council Court wa ka District Council Court heiwa da bichaar ya ki mukotduma kiwa ha rukom.

Ha kani ka seminar da klam hajrong ka “The Sixth Schedule, its historical background and the implication of the Sixth Schedule for the tribes of Meghalaya” ya kawa da klam da u Dr. O L Snaitang, “Important decisions of the Supreme Court of India viz-a-viz the District Councils in Meghalaya” wa da klam da u T T Diengdoh, Sr. Advocate wa ka “Powers and Functions of District Council Courts” wa da klam da u Dr. S Kharsyiemlieh, Judge, District Council Court. 

0 Comments

Leave a Reply