15 49.0138 8.38624 1 1 4000 1 http://wyrta.com 300 0

Da pynman ya ka Youth Conference deiwa kynmoo warom ya u Woh Kiang Nangbah ha Khliehriat

0 Comments

Jowai: Ka Lei Synshar Cultural Society da pynman ko ya ka 23rd Youth Conference wa ar sngi ha Khliehriat, East Jaiñtia Hills ynnin wa ynne ka sngi heiwa da kynmoo warom leh ya ka lyngkhooh snem wa 156 yong ka sngi wa yap u Woh Kiang Nangbah.

Ya kani ka Youth Conference da pynman ha yung skur ka Seiñraij Khliehriat, Moollyngkut, East Jaiñtia Hills.

Advertisement ad1

Ynnin ka sngi da wan wai ya ka da Dr. Mihshwa Tyngkan, Assistant Director ICDP hei emlang u Dr. C Pakyntein uwa man kam u Sangot ka Raij Jowai, Dr. Mitila Lyngdoh, u Shibun Lyngdoh wa kiwi kiwi.

Ynnin ka sngi da em ka esikai ya ki khynnah hajrong ki phang waphær waphær wow pynyaar yei thij i pyrkhat ki khynnah khynroo khyllood wa wan na kylleiñ ka Ri-loom Jaiñtia.

Ynne ka sngi, hei step da em ka lai uiñ paidbah deiwa kbai kyrha ya i naam i pyrtuid u Woh Kiang Nangbah nadooh na Yung Skur ka Seiñraij Khliehriat hadooh wa poi ha Dieñchynrum wa em u mot sahnaam u Woh Kiang Nangbah wei da uiñ biang cha i thaw wa pynman ya kani ka Conference.

Manda poi ha Yung Skur ka Seiñraij Khliehriat da wan pynhaap pyrda ya ka Conference da u MDC ka 21-Tuber Constituency, u Lasky Rymbai.

Ha kani ka sngi pynkut da emlang u Rikut Parieñ uwa man kam u President warim ka JSU, u Puramon Kynjing Dolloi ka Elaka Jowai, Pearlet Toi uwa man kam u Secretary ka Sanskar Bharti wei da pynkut ya ka yalang da ki kyntien e khublei na u Kamnipaia Challam uwa man kam u General Secretary ka Society.

Waroh kiwa wan yoh myntoi ha kani ka Conference yong uni u snem da em ki palat 500 ngut na ki 35 tylli ki chnong.

 

Advertisement ad1
Advertisement ad1

0 Comments

Leave a Reply