15 49.0138 8.38624 1 1 4000 1 http://wyrta.com 300

Da pynman ya leh kmen ya ka Swachhata Hi Seva ha EJH

0 Comments

Jowai: Kam chibynta ka Swachhata Hi Seva kamjooh wow kynmoo warom ya ka sngikha 150 u Mahatma Gandhi, ka yung krehkaam ka District Swachh Bharat Mission, East Jaiñtia Hills District deiwa ya krehlang waka State Swachh Bharat Mission, Shillong da pynman ki ya ka program wa ar sngi ha ka 1-2 tarik uni u bnai ha Khliehriat.

Ka Swachhata Hi Seva kawa pynman nadooh ka 15 tarik u Naikhynde hadooh ka 2 tarik u Naichiphaw kawa man leh kam chibynta leh wow pynsmat u pynkrehkaam ya ka Jan Andolan kawa thmu wow pynbiang yei baam wow tei yei doh i pran ki khonboo kynthai, kiwa pun-khon wa kiwa dang dep kha khon wei kani waroh man ko ka thong yong u montri rangbahdooh ka ri ka India u Narendra Modi wow wanrah ya ka ri India kawa thymme kawa khooid wei man ko ka kaamram yong uwi pa uwi.

Advertisement ad1
Advertisement ad1

Ha Khliehriat ha ka chi tarik uni u bnai da wan wai ya kani ka lehkmen da u BDO ka Saipung C&RD Block u B.J. Kharshandi uwa da klam chaphang i kylla wa da wanrah ka Swachh Bharat Mission nadooh wa sdang ya ka da u Modi ha u snem 2014.

Ha kini ki ar sngi da pynman leh ya ki yakob dro dur, yakob rwai, yakob lehke drama wei da wan chimbynta kamwa 200 ngut ki khynnah skur na ki 11 tylli ki skur wa em ha Khliehriat kamjooh kiwa em cha jan kiwa da wan embynta ha kini ki yakob.

Neiliang u M.W. Kharkongor State Consultant Swachh Bharat Mission, Shillong da klam u kammon wow noh wei wow pynlang yei jhep wa mih na ki yung ki sem.

Ha ka 2 tarik won ka District Swachh Bharat Mission East Jaiñtia Hills District da leh warom ko ya ka Swachhata Hi Seva 2018 heiwa da em kamwa 1500 ngut kiwa wan chimbynta nadooh ki khynnah skur wa kiwa sikai ki dkhot ka Swachhgrahis, Village Water Sanitation Committee, kiwa kreh Anganwadi, kiwa kreh ka tnat PHE, ka SBM (G) na Shillong kiwa da emlang ha ka pynkhooid chnong wa ha ka lai paidbah kamjooh ka yalang paidbah.

Ya ka pynkhooid chnong da wai ya ka da u Deputy Commissioner ka EJH u F. M. Dopth katwa ya ka lai paidbah da kaweh lama sdang da u Superintendent of Police, East Jaiñtia Hills na khmat u mot sah naam u Kiang Nangbah, Khliehriat wei da pynman leh ya ka yakop Slogan Competition ha kani ka jooh ka sngi.

Heipor 11 waje i step won da pynman ya ka yalang paidbah ha Khliehriat West Community Hall heiwa u MDC ka 29-Bataw Lakadong u J.R. Pyrtuh da man u kam u kongsan katwa ka MDC ka 23-Rymbai Khliehriat ka Violet Lyngdoh da man ko kam ka symdood kongsan.

Advertisement ad1
Advertisement ad1

Angnood ka chnong Shiliang Jashar wow tipmit y....

Previous

Pynbaad joor ka JSM-ER ya u SDO ka MeECL yeiwa....

Next

0 Comments

Leave a Reply