15 49.0138 8.38624 1 1 4000 1 http://wyrta.com 300 0

Da pynyoo ya kiwa hayung hasem ya i Video wa riñ ka ROV yong i metyap ha krem mooyong

0 Comments
Advertisement ad1

Jowai: Hadien wa ynnin i janmiet da chem ya i metyap yong uwi na krem mooyong wa em ha Ksan, neiliang u Deputy Commissioner da khut u ya kiwa hayung ki le ngut na chnong Lumthari wa yong ki ar ngut na Chirang District, Assam.

Ynne ka sngi ya kini kiwa hayung hasem da pynyoo ya ki i Video wa riñ da ka kor ROV yong i metyap wa da pyud (decomposed) wei da pyntip cha ki wa manda pyrchang u sai ya i metyap cha lait da ki kor ROV, manda poi kamwa 100 feet da tlor ki bynta i doh i pran (neidaw wa da pyud i metyap). 

Ka um toh kawa dang em 210 feet hapoh kani ka krem mooyong.

Hanlada yei met yap ym tipmit de, kiwa hayung hasem da ong ki wa daw pyntip ki mynstep kammon i sñiaw yong ki hajrong i metyap wa chem napoh ka krem.

Ha iwi tawon i liang ka Fire Service Odhisa da sdang ko u taan um nadooh 11 waje i step hadooh 3:30 i janmiet wei da sai um hadooh 405000 liter.

Ka CIL won da taan um ko na ki ar tylli ki krem mooyong da ki ar tylli ki Pump wei da leh ya ini da 19 kynta wei waroh ka um da ye ki u sai kamwa 4309200 liter.

Neiliang ka Plenys-Chennai Technology da pynemkaaam ya ka kor ROV wei da chem ki ya iwi i thlu paar mooyong na kawi ka krem mooyong warim deiwa leh da ka Sonar Mapping.

Ki Engineer ka KSB da pyrchang biang ki waroh chi sngi ynne wow pynkrehkaam ya ka Pump yong ka kawa sih nadooh wa sdang poi ki. 

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply