15 49.0138 8.38624 1 1 4000 1 http://wyrta.com 300

Da sdang ka MBL yow chem ya ki khloor yalehke Football nadooh dang khian hapoh jylla

0 Comments

Shillong: Ka Meghalaya Baby League (MBL) 2018 da sdang ko ynne ka sngi heiwa da wan wai ya ka da u montri ka Sports & Youth Affairs u Banteidor Lyngdoh kam u kongsan ha Jawaharlal Nehru Stadium wei da emlang leh u Kushal Das, All India Football Federation (AIFF) General Secretary, u Biswanath Sinha, Zonal Head – East & North East, Tata Trusts, u Larsing M Sawyan, Meghalaya Football Association (MFA) President wa u AIFF Vice-President wei da emlang leh ki tre kamjooh ki ki dhab wa wan chimbynta kiwa da poi 12 tylli.

Ynne ka sngi da pynman ya le tylli ki yalehke ha ka kyrdan kiwa 4 hadooh 5 snem, 6 hadooh 7 snem wa kiwa em 12 hadooh 13 snem.

U montri hei klam yong oo uwa jooh man leh kam uwa yalehke football da ong u wa kani ka MBL toh ka kabu ksiar ya ki khynnah wei da yooluti u wa daw poi kiwa yalehke ka Meghalaya cha kylleiñ ka ri wei da kular u leh wow e yarap ya ka MFA wow pynku ya ka kyrdan yaleh Football hapoh ka jylla.

U Kushal Das da ong u wa ka Baby League toh kawa daw sdang leh ka AIFF ha waroh kawi ka ri kawa daw yarap ya ki khynnah wow pynbniah ya i sap yong ki deiwa chimbynta ki ha ki yakop nadooh dang khian ki.

U Biswanath Sinha da ong u wa kani ka sngi toh kawa sahkynmoo ya ka Tata Trusts kawa hadooh katni da pynkrehkaam ko hadooh 85 tylli ki Grassroots Centres ha Mizoram wa ha Manipur wei da sdang ki leh ya ka Centre of Excellence ha Mizoram ha u bnai Naitung (April) kawa man leh kam ka thaw kiwa chah e sikai leh ye u sah.

U Larsing M Sawian da ong u wa hapoh ka ri India em i duna wow pynku ya ka Football wei kani ka Baby League u man ko kam chibynta wow yarap u poi ko cha ki kyrdan wa toh u poi ko hanlada ki yakop yaleh Football neibynta ki khynroo da lai bha ko chakhmat ha kini ki 7-8 snem tangwa ym em won u pyrkhat wow thooh ya ki khloor yaleh nadooh wa dang khian ki neibhah cha kiwi ki ri wa em hapoh South America ki khynnah khian da yoh ki u embynta hadooh 45 tylli ki yalehke hapoh chi snem wei ini toh i wym em hapoh ka ri India.

Wai u Lasky Rymbai ya ka yung Dorbar Chnong wa....

Previous

Ujor ka UBI wa chah thok ko ha ki le ngut kiwa....

Next

0 Comments

Leave a Reply