15 49.0138 8.38624 1 1 4000 1 http://wyrta.com 300

Da toh por u pynkynriah ia i thaw noh jhep ka JMB ong ka WJYC

0 Comments

Jowai: Hadien wa ka 12 Chnong Joint Committee da dep li ujor ko ha uni u bnai wa dep ia i rukom noh jhep pathar ka Jowai Municipal Board (JMB), ka West Jaintia Youth Council (WJYC) leh da kyrpad ko ia ka JMB u chimkhia ko ia ini i rukom noh jhep iong ka iwa da ktah ia i chait i khiah ki chnong wa em chajan ini i thaw-noh-jhep iwa em ha Pohsatakhap (Jowai-Dawki road).

Ini i rukom noh ia i jhep da man i wa khlem em pyrkhat ia kiwi ong u Ailad Surong assistant secretary ka WJYC, Amlarem, i jhep da chlai chadooh ka sarok lai kari iwa da ktah chiboon ia kiwa lai luti neibhah ini i sma toh i wym ye de u chah neidaw wa ia ini i jhep da ieh khlem leh iwon iwon iwa kam ka stad sian wa katni (Waste Management) iwa ye u pyndunna i kiwa boon ki ma wa mih na ini i thaw noh jhep.

Advertisement ad1

Ia i jhep, ka JMB boon deiwa thang ko neite ia u pood u sam ini i thaw leh ym em ker. Ini da elad ia ki masi, ki ksaw u rah ia ki jhep na ini thaw cha ki chnong wa boon iwa mut poi i kjut chadooh cha tre dwar ki chnong wa em cha jan ini i thaw.

Ka JMB deiwa ym em pynkylla ko ia i rukom noh jhep pynyoo wa ym em khien ko ia ki bru wa mat i jingeh wa khroo nadooh kiwa lai luti, kiwa rep, ki khynnah wa kiwa nongchong chnong hi waroh kiwa em soo dong i tai thaw noh jhep.

Na ka liang ka WJYC da ong ko leh wa da toh i por u pynkynriah noh ia ini i thaw noh jhep cha jngai na ki chnong ki thaw ki bru. Ki chnong wa ktah na ini i rukom noh jhep ka JMB toh Demthring, Pynthor-Langtein, Sohmynting, Samanong, Moosakhia, Moopyut, Madantyrpait, Shkenpyrsit, Umsalang, Mustem, Muphlang wa ka Iongnoh.

Puræ heini ia i ujor ka 12 Dorbar Chnong Joint Action Committee cha ka Municipal. Emlang wa ki dur i thaw nohjhep

 

Advertisement ad1

Ka droma “Ong da phi” kawa pynman ....

Previous

E sikai ka ophis ka DMC, SSA ha Shangpung hei ....

Next

0 Comments

Leave a Reply