Jowai : Ha ka 2 Khonchonglad da wai ya kawi ka thawsait kari næ ka servicing centre kawa da chna katkam ka juk wa katni, ha Mooralong Ladthalaboh Jowai, kawa da e pyrtuid “Phawa Service Centre”. Kani ka thawsait kari toh ka yong u ma Helping Phawa

Ya kani ka thaw sait kari da chna katkam ka juk katni kawa da pynemkaam daki kor nei bynta u yohlad u pynkhooid pynpliah dei wa toh rukom yaki kari mator.

I rukom chna ya kani ka thawsait kari man ko kawa biang neibhah da chna katkam ka stad sayan deiwa em ki filter weiwa ki um wa mih na kani ka thaw sait kari ym pyntngit de ki yaki soodong sookun næ kai kat chawa em, u kai beit ki hapoh ki filter wada chna kyrpang.

U ma Helping Phawa u tre kani ka thaw sait kari hawa e yei kyntien lamphrang ong u wa i thmu yong oo wow wai ya kam kani ka thaw sait kari toh, ka bynta wa nyngkong yow man ko kam kawi ka lad kamai nei bynta yong oo samen, wa ar won yow man kam kawi ka lad e khih e kreh yaki pradong prachnat, wa le yow pynsuk yaki paidbah kiwa emkaam u leh servicing ya ki kari yong ki deiwa toh rukom heiwa ym duk de ki u lai chadooh cha Shillong.

I dor yong i rukom sait kari em ki ar bynta, kam ki kari Car800/Alto800/K10/Zen/Nano/Van/Eon/Swift/Indica/Indico wa kiwi kiwi ki kari khian lada phah sait du yaka Body Mud Guard hap ki haka dor T. 150/-, lada phah sait Full Servising hap ki haka dor T. 350 lada phah sait Special Servising won hap ki haka dor T. 500.

Ki kari wa rap heh won kam ki Bolero/Pick up/Scorpio/Gypsy/Tata Sumo/Max/Eco wa kiwi, lada phah sait du yaka Body Mud Guard hap ki haka dor T. 200, lada phah sait Full Servising hap ki haka dor T. 450 lada phah sait Special Servising won hap ki haka dor T. 600.

Ha kani ka sngi wai paidbah da emlang ki kattu katni ki bru waheh kam u MDC ka Sohmynting Khliehtyrshi u M.B.Rymbai, u Dr. Mihsalan Lamare Secretary ka chnong Mooralong, u ma Dewill Shylla Ryngbah Chnong ka Sabah Muswang wa kiwi kiwi.

Share this:
Share on Facebook0Tweet about this on TwitterGoogle+0
Advertisement ad1