Jowai : Kam chibynta wow yada ya ka rymaw wa ki dieñ ki siej khamtam nei pynemkaam heiwow thang ya kiwa yap ynne ka sngi da wai paidbah ya ka Khnap Thangbru ha Khliehriat.

Kani ka Khnap Thangbru da tip leh kam ka (L) Kambel Eco Friendly Crematorium da wai da u Montri ka Jylla u Prestone Tynsong uwa da man leh kam u kongsan.

Ha kani ka wai paidbah ya ka khnap da em ka yalang ya kawa da pyllai da u ma Shibun Lyngdoh hei emlang u ma J. Dkhar da man u kam u Symbood Kongsan.

Hachwa u sdang ka yalang da yoh yei rwai pdiang burom na ki Nongsikai ka Seiñ Raij LP School iwa da pynbood won yei kyntien pdiang burom na u Chongknor u ma Shibun Lyngdoh.

Ha kani ka yalang da yoh leh yei klam na ka MDC V. Lyngdoh, u MLA u ma Stephanson Mukhim, na u PCCF u HOFF u ma C Budnah.

U ma P. Tynsong kam u kongsan ha kani ka sngi da yaroh u ya u Tynrawade u ma Kambel Shullai uwa da chemphang wow chna ya kani ka Khnap Thangbru kawa da yarap ha kiwa boon ki liang wow yada ya ka rymaw khamtam heiwow pynduna yei pynemkaam ya ki dieñ thang. Heijooh i por da kyntu u leh ya kiwi wow bood ki ya kani ka nongmuna kawa ka Seiñ Raij Khliehriat da leh ko.

Ha kani ka sngi da yoh leh u sakhi ya ki rwai wa ki chaad wa da pynkhreh da ki khynlood ka Seinraij Khliehriat wa na ka Seinraij Changpung Pohchnong.

chad1

Ya kani ka Khnap Thangbru da yoh yarap poisa leh na ka tnat Forest & Environment ka sorkar jylla. Hachwa wow pynkut ya ka yalang da yoh leh ya ki kyntien e khublei na u ma C Dkhar.

khnap-khliehriat1

Share this:
Share on Facebook0Tweet about this on TwitterGoogle+0
Advertisement ad1