15 49.0138 8.38624 1 1 4000 1 http://wyrta.com 300

Da wai ya ka Additional School Building ka Mission UP School, Mawryngkneng

0 Comments
Advertisement ad1
Advertisement ad1

Mawryngkneng: Ynnin ka sngi ka Mission UP School, Mawryngkneng da yoh wow wai pyrda ya ka Additional School Building kawa yoh na ka mang poisa ka SSA kawa T. 6,18,000 wei kamjooh leh T. 1,00,000 lyngba ka Special Assitance Scheme na u MDC ka Sohryngkham Constituency u Pyniaid Sing Syiem.

Ha kani ka sngi u Pyniaid Sing Syiem u MDC ka Sohryngkham da man u kam u kongsan hei emlang u BDO ka Mawryngkneng u Ronnie Wahlang kam u symbood kongsan deilang wa u sordar ka chnong Mawryngkneng u Peter J Lawai.

Advertisement ad1
Advertisement ad1
Advertisement ad1

U Pyniaid hei klam yong oo kam u kongsan da ong u “Man ko ka burom kawa khroo ya ki waheh wa yah luti nachwa kiwa da phrat luti wow pynmankaam ya kani ka skur kamwa da man ko hadooh katni kawa da pynku ya ka puræ puthi hapoh kani ka dong wei da saindur ya ka dong ka chnong lyngba i stat i tip.”

U BDO hei klam yong oo won da ong u wa “Ym du ka yung skur wow pynku ya ka roi ka paar wei da emkaam leh saka ekti lut nadooh kiwa sikai, ki bei ki pa wa ki bor pynlai skur wei khamtam ki khynnah skur kiwa emkaam wow pynlai yumut ha ka puræ ka yong ki”.

Kiwi de kiwa klam ha kani ka sngi toh ka KB Jyrwa, BMC Block Mawryngkneng, u Peter J Lawai, u Mihun Lyngdoh (Founding Member) kani ka skur, u B. War, Chairman SMC wa ka M. Nongspung, Head Teacher Mission UP School.

Ya kani ka sngi da pynphooh pynphieñ da ka chaad wa ki Drill na ki khynnah kani ka skur.

Dawa ka KSU-WJC wow pynku kyrdan ya ka Padu Di....

Previous

Ka Result 3rd Division ka WJDSA

Next

0 Comments

Leave a Reply