Jowai: U Dr. H.C.Pakyntein u tre yong ka Pakyntein Indigenous Medicine and Research Jowai, u wa da man uwi na ki nong e dawai khynbat wada bnanam bha hapoh ka Jylla uwa da chakri ha i kam e dawai la 26 snem, heiwa da bna nam u leh chadooh chabar ka jylla yong i kamjooh leh cha ki Ri wa marjen neiwa ioh ki u pynemkaam ya ki dawai iong oo wei wa yoh ki i cheit na ki kjut wa boonjait wa mad wa chem ki.

Uni u waheh lyngba i yarap i pynchlur ki scientist la kamwa 8 snem kattu da yohlad u lai cha kyllein ki thaw u pynche pynsniawthooh chaphang ki dawai kynbat wa i krehkaam iong ki ha ki jait kjut waphær waphær. Uni u waheh da yohlad u leh u yachim bynta haka 4th World Ayurveda Conference, World Council of Elders of Ancient Traditions & Cultures wei da tipmit leh ya oo na ka Indian Board of Alternative Medicines.

Advertisement ad1

Ki phlang dawai kynbat wa boon jait wa pynemkaam u Dr. Carehome

U Dr.Pakyntein da khana u wa lyngba i e mynsiem ki kattu katni ki Indian scientist u test ya ki dawai khynbat ha chwa u e u dih kiwa kjut kawa da yarap chooh chooh ko ya oo u tip rap bnaih ya i man ki phlang kynbat dawai wa e u, wei ha ki kammon ki jait kjut u sumar u pynemkaam. Kani nang yarap u yoh i channiah na kiwa wan thooh dawai na oo.

Ki dawai wa dep song dep tap.

Chooh chooh da khana ha ini i e dawai yong oo da pyrchang u sumar chiboon ki jait kjut nadooh ki kjut sniahdoh ki thung kamjooh da ong u leh wa da sumar u ia ki bru wa yoh i kjut bampong. Da khana u leh ki bru kiwa ki hospital wa lai phah sumar chwa ki da phah ki ia ki wow lai cha kiwi an ki hospital waheh, tang kat wym yohlad ki wan noh ki ha oo wow chah sumar, wei katwon kmen u ha wa ye u yarap ya kam kini ki bru hadooh wow yoh ki i chait.

Ka wi ka khynnah wa da yoh yei chait na i kjut bampong.

Ki bru wa wan thooh dawai na oo toh kiwa na kyllein ki chnong ki thaw nadooh na Nepal, Bangladesh napoh Maharastra, Punjab, Bangalore, Nagpur wa kiwi kiwi.

Ini i lai iaw iong kini ki dawai wei iatoh bhah toh nasib kiwa kjut da pynman ko ia u Dr. H. C. Pakyntein wow em noh i kper u thung u sumar ya ki phlang ki dein dawai ha i thaw iong oo ha Moopyut da i thmu wow pynneh pynsah ya ki kynbat yow dam ki u wiar jait. I yoh chaniah yong oo na kiwa wan chah sumar pynchlur ko ya oo wow em næ u wai noh da ka thaw sumar wa rap paka heiwa u yoh u pait u yoo ya kiwa kjut step wa miet hadooh wow bha i kjut ki. Deiwa em ini i thawsah u pynsuk ya kiwa wan na ki cnong wa jngai. Kamtæ da chna u i yung chah sumar iwa da pyrtuit u ka Herbal Health Care Centre ha Loomsuwe Dulong Jowai.

3 tylli na ki 6 tylli ki thaw thiah ha ini i thaw sumar.

Da chim wow wai u kyrkhu khyrdoh ya kani ka centre da u ma Moonlight Pariat MDC ka Jowai South, ha ryngkat i emlang u Dr.B.Marboh Professor of Chemistry North Eastern Hills University, Shillong, u Dr. D.Velmurugan (Indian Scientist) UGC-BSR-Faculty and Former Head of the Department CAS in crystallography & Biophysics University of Madras, u I. Uriah uwa man leh u Pharmacist wa nyngkong ka jylla kamjooh  leh u dkhot ka Pharmacy Council of Indian wa kiwi.

Share this:
Share on Facebook0Tweet about this on TwitterGoogle+0
Advertisement ad1