15 49.0138 8.38624 1 1 4000 1 http://wyrta.com 300

Da wai ya ka High Tech Atal Tinkering Lab ha Ampati Govt. HSS wow yarap ya ki khynnah

0 Comments

Ampati: Ka DC ka South West Garo Hills, ka HDB Sangma ynne ka sngi da wai u ya ka Atal Tinkering Laboratory kawa man kawa nyngkong dooh ha Ampati Government Higher Secondary School, Ampati. Kani man ko kawa nyngkong hapoh ri-loom Garo wei kawa ar hapoh ka jylla.

Ya kani ka Lab da chna hapoh yong ka Atal Innovation Mission yong ka Niti Aayog ka yong ka sorkar pyrdi heiwow chna ya kam kini ki Lab ha waroh ki skur ka ri hajrong ka thong wow wanrah i rukom pyrkhat katkam ka juk stat wa katni wei wow pynchlur ya ki khynnah kiwa dang khian rta.

Advertisement ad1
Advertisement ad1

Ya kani ka Lab da chna katkam i buit yong ka SRJNA kawa da sdang da ki khynnah warim yong ki IIT dei thmu wow wanrah ya i puræ puthi wa tip leh kam ka K-12. Ha waroh ka rid a em hadooh 100 tam kam kini ki lab.

Ka yarap poisa namo ka Grant in-aid chirup wa ka poisa wow chna ya kani ka Lab kawa T. 10 lak wei wow pynkrehkaam ya ka hadooh 5 snem hei lut kamwa T. 10 lak da e da ka Niti Aayog.

Ka Sangma hawa e i klam da ong u wa ka thong yong ka Atal Innovative Mission toh wow yarap ya ki khynnah wow suk ki u thooh ki laad ki luti wow pynsuk ya ki hawa yatyngkhooh ki wei eh i khoo ha i puræ puthi. Da ong ko wa ka District man ko kawa duna bha ha i puræ puthi khamtam ha ki exam SSLC wa HSSLC deiwa kyntu ya ki khynnah wow man ki kiwa minot.

Neiliang u OP Godara, COO, SRJNA da ong u wa ka science man ko kawa emkaam bha ha i rukom im u bru man ka sngi wei ki khynnah emkaam ki wow pyrkhat wei wow pynemkaam ya i bor ka science khnang wow man ki kiwa chemphang.

Kani ka Lab daw yarap ko ya ki khynnah wow sñiawthooh ya ka STEM namo ki subject kam ka Science, Technology, Engineering wa Math.

Kiwi kiwa da em ha kani ka sngi toh u DSEO, C J Sangma, DSEO, RZ Das, Labour Inspector C B Sangma, Ampati Government H S School Principal K R Marak wa kiwi kiwi.

 

Advertisement ad1
Advertisement ad1

Khih u khmi uwa khlanbor 5.1 ha Meghalaya

Previous

Daw joor u slap ha ki le sngi wow wan

Next

0 Comments

Leave a Reply