15 49.0138 8.38624 1 1 4000 1 http://wyrta.com 300

Da yoh thap 15 tylli ki kool ha ka U-14 Football Tournament ynne ka sngi

0 Comments

Jowai: Ynne ka 6 tarik kawa man leh ka sngi Chohthat da pynman letylli ki yalehke ka U-14 Football Tournament kawa pynman da ka West Jaiñtia Hills District Sports Association ha Kiang Nangbah Stadium, Ladthadlaboh.

Ha ka yakhun wa nyngkong wa pynman heipor 11 waje i step ha pyrdi ka Mookyrdup wa ka Mukhla Raij, ka Mookyrdup da jop ko da chi kool kawa thap u Eternal Laloo ha ka minit wa 43.

Ha ka yalehke wa bood wa pynman heipor 12:30 pyrdi sngi ka Khimusniang da pynrem ko ya ka Umshangiar da 3-0. Ya waroh ki le tylli ki kool da thap ha ka kylla miet heiwa sah sa kamwa 10 minit i por yalehke. Ha ka minit wa 52 u Emitre Papang da thap u ya ka kool wa nyngkong wei da thap biang u sa chi kool ha ka minit wa 54 katwa u Damonmi H Nongjngi won da thap u sa ka wi ka kool ha ka minit wa 58.

Ha ka yalehke wa le won ha pyrdi ka Dulong wa ka Dongmihsngi, ka Dulong da pynbam ko ya ka Dongmihsngi da 10 kool katwa ka Dongmihsngi won ye ko u su du chi kool donhi.

Neiliang ka Dulong, u Tremiki Lamurong da thap kool u ha ka minit wa 3,16 wa 44, U Diangheimonmi Kyndiah ha ka minit wa 11, 21, 31 wa 38, u Ksaidwothi Lato ha ka minit wa 25, u Samchaphrang Lato da thap u ha ka minit wa 28 wa u Clifford Lytan ha ka minit wa 52 min.

Ka kool yong ka Dongmihsngi da thap u Kermi Kyndait ha ka minit wa 58.

Kyrchaan ka seiñ kiwa kamai kari yei beiñ ka M....

Previous

Kwah ka MSSASA wow pynku tulop ya ki 4th Teach....

Next

0 Comments

Leave a Reply