15 49.0138 8.38624 1 1 4000 1 http://wyrta.com 300

Dam noh u Hameshaniah Suiam wa ki le ngut na ka jylla wow lai yakhun cha Russia neidaw wym yoh yarap

1 Comment
Advertisement ad1
Advertisement ad1

Jowai: U Hameshaniah Suiam deilang wa ki le ngut kiwa da chah jied napoh Meghalaya wow mihkhmat ya ka ri India ha ka WAKO IX World Cup Diamond Kickboxing wow pynman ha Anapa, Russia nadooh ka 30 tarik hadooh ka 4 tarik u bnai wow wan da haap dam noh ki yei lai chimbynta neidaw wym dap poisa ka bai lai bai wan.

Da emkaam poisa kamwa T. 2 Lak samen yow dap waroh i jait.

Advertisement ad1
Advertisement ad1

U Hameshaniah da ong u wa da yoh u ya ka ram tangwa i por da man i iwa da tbian ware wei chimpor hadooh 10-15 wow yaleh Visa yow yoh u psiah chapoh ka ri Russia.

Katwa ki le ngut ki lok yong oo wa kynthup ya u Babit Kharsahnoh, u Elbring Umbah wa u Pynnehbor Mylliemngap won ym em poisa ki wow lai wei neiliang u Hameshaniah da yang u katwa ye yow yoh poisa na ka sorkar yow yoh u lai lang tangwa ka poisa ym poi ko wei manda rai u wow lai samen won da man ko wa da slem ware i por wa da pyntip ka seiñ Kickboxing ka ri India cha oo.

U Hameshaniah da ong u wa man i iwa sñiawsih u dooh u lai chimbynta heiwa ynnin u snem da leh bha u wei da poi u chadooh ka kyrdan wa 5 hapoh pyrthai.

Kattæ leh ym em sñiaw dooh mynsien u wei dang pynkreh u wow lai chimbynta ha ka lympung wow pynman cha kiwi ki thaw wei da yooluti u leh wow wanrah burom ya ka jylla.

Advertisement ad1
Advertisement ad1
Advertisement ad1
Advertisement ad1
Advertisement ad1

Da chem ya ki kot skur wa emkaam na kawi ka ka....

Previous

Ka 28 tarik kam ka Paid Holiday

Next

1 Comment

  • May 25, 2018 at 5:39 pm
    S.Lyngdoh

    Khlur ka Ri wat duh mynsien,ka sorkar matlah kam ju iohi watla don kiba pynphuh pynphieng iaka da ka Nam bad ka Burom ruh.

    Reply

Leave a Reply