15 49.0138 8.38624 1 1 4000 1 http://wyrta.com 300

Dang em chiboon iwa emkaam ki khynnah puræ hapoh ri-loom Jaiñtia katkam wa chem ka ASER

0 Comments
Advertisement ad1
Advertisement ad1

Jowai: Ka Annual Status of Education Report (ASER) namo ka sorjamin wa pynman hapoh ki chnong palatchnong wa em hapoh ka ri India yow chem hadooh katwon biang ka puræ puthi kawa da sdang nadooh u snem 2005, ha uni u snem da leh deiwa rap phær heiwa da thooh bniah ya ki khynnah wa em nadooh 14 hadooh 18 snem.

Ha ki snem wa dadep da jooh pynman ya ka ASER neibynta ki khynnah wa em hapoh 14 snem kiwa em i hok wow lai skur katkam ka aiñ Right To Education.

Advertisement ad1
Advertisement ad1

Ya kani ka ASER 2017 da pyllait ynne ka sngi ha Thomas Jones Synod College heiwa kamwa 50 ngut kiwa lai puræ yong ka da embynta ki wow lai cha ki 60 tylli ki chnong wa em hapoh ki ar tylli ki District ka ri-loom Jaiñtia kawa da pyndep ha ki soo bnai nadoh u Naikhynde hadooh u Kmaichonglaad 2017.

U Khrawboklang Tangsong, State Manager ASER hawa pynyoo paidbah yei chem ka ASER ha u snem 2017 hapoh ri-loom Jaiñtia, da ong u wa i daw wa da jied ya kiwa em 14-18 snem toh neidaw ki da man ki kam kiwa da heh kiwa u sdang noh u khih u khan wei yow sñiawthooh hadooh katwon ka puræ puthi da pynkhreh ko ya ki wow lai ki cha khmat heiwa ha uni u snem da e pyrtuid leh ya kani ka sorjamin ka ‘Beyond Basics’.

Ki phang kylli wa da phah jubab ya ki khynnah ha kani ka sorjamin toh wow pait hadooh katwon tip ki u puræ Khasi, puræ English, u kheiñ yukheiñ, katwon tip ki chaphang ka ri, kammon u kheiñ sap manda lai yaaw lai hat wa kiwi kiwi de.

Da chem wa kiwa em 14 hadooh 18 snem kamwa 78% dang lai skur hi ki hadooh wa poi Class 12 tangwa hadien itæ won ym em de wa lai College katwa 22% won ym em lai puræ ki heiwon heiwon wei 27% toh kiwa da pyndep yei 8 snem i lai skur.

1% won na ki toh kiwa puræ ha kam ki ITI katwa kiwa 42% toh kiwa da kreh.

56% toh kiwa ye u puræ yeiwa da e ka ASER ha ki hei ktien Khasi, 63% toh kiwa ye u puræ yei ktien English wei wow khana iyi mut iwa puræ ki.

Hei yatoh won wow pynemkaam ya ki Mobile Phone, 30% toh kiwa yoh u pynemkaam, 11% kiwa jooh yoh laad wow pynemkaam Internet katwa 88% won toh ki wym jooh em u yohlaad wow pynemkaam Internet, 6% toh kiwa jooh yoh u pynemkaam Computer katwa 91 % toh ki wym jooh em u yoh ki u pynemkaam Computer.

16% toh kiwa em Bank Account ka yong ki hi, 11% toh kiwa tip u sai wei wow thap poisa ha Bank, 3% toh kiwa da jooh pynemkaam ATM wei 2% toh kiwa da pynemkaam Internet Banking.

Nalor kini waroh dang em leh kiwi de wa da thooh bniah wei hawa kut da chem neidaw wa boon hi dang neh ki hei puræ puthi yong ki, emkaam wow yarap ya ki wow ye chooh ki u lai puræ cha khmat, i biang ka yurim yong ki wow kheiñ yukheiñ, u puræ toh iwa miat bha wei emkaam wow pynbha chooh chooh ki yow ye ki u man ki khynroo khyllood kiwa biang neibynta ka mynried ka ri.

Ha kani ka sngi leh da pynkup burom ya kiwa puræ ka Thomas Jones Synod College wa embynta ha kani ka sorjamin ka ASER.

Advertisement ad1
Advertisement ad1
Advertisement ad1
Advertisement ad1
Advertisement ad1

Ha ka 15 tarik u tlep ya u (L) Batly Ryngkhlem

Previous

Daw sdang noh ka WJDSA ya ka kylliang ya kiwa ....

Next

0 Comments

Leave a Reply