Advertisement ad1

Shillong : Ha ka lai paidbah ynne ka sngi wa pynman da ka TUR wa ka CSWO da wan lang ki paidbah da ki spah ngut kam ka dak wow pyrchah yei chah slaitbor ka khynnah wa dang 14 snem heiwa da mih pyrtuid leh u MLA ka Mawhati u Julius Dorphang.

Ha kani ka lai paidbah da wan boon ki bru paidbah na kylleiñ ka jylla nadooh kiwa duna hei doh i pran yong ki, ki hynnah khynthai ki manbei manpa wa ki seiñbhalang.

Ha ka lai paidbah da kyriaw ki paidbah chi ch’oh ch’oh wow hiar chuki noh u HDR Lyngdoh kam u Home Minister næ u Montri ki kaam pohyung.

Hadien wa pynkut ya kani ka lai paidbah ha thaw pynyieñ kari ha Additional Secretariat da li booh dorkhat ha khmat u Chief Minister ka jylla u Dr. Mukul Sangma.

Ki kattu katni ki mat dawa man ki kamni ha wah :

  • Da phah hiar chuki ya u HDR Lyngdoh kam u Home Minister yow man ka takit kawa khooid kawa khlem em wa pynwit neibhah ka khynnah wa dang 14 snem da chah slaitbor ko ha i Guesthouse wa mantre u khon yong oo.
  • Waroh ki Hotel ki Guesthouse kiwa mih pyruid ha ki FIR toh u khang chwa ki wei ya ki license yong ki toh u pyndam chwa wei ya ki tre toh u kem ya ki.
  • Waroh ki Hotel wa ki Guesthouse toh u bood ki ya ki kyndon wa da chna kyrpang yow lait ki bru u yah khynnah hapoh yong ki.
  • Toh u em u number phone (Hot line number) yow ye kiwa chah lehbeiñ phone heiwon heiwon i por.
  • Ka sorkar toh u sdang ko da ki Fast Track Court ha waroh ki district yow smat u yoh ya ki bichaar wa yatoh wa ki kaam pyrchah ya ki kynthai.

Share this:
Share on Facebook0Tweet about this on TwitterGoogle+0
Advertisement ad1