Advertisement ad1

Jowai : Katkam ka hukum wa da e na ka office u Commissioner Of Food Safety, Shillong u Y. Tsering nadooh ka 23 Kmaichonglad 2015 da mana wow dai yei phniang baam Neeraj Mustard Oil.

Ini i phniang Neeraj Mustard Oil da pynmih da ka Deepak Vegpro (P) Ltd., Alwar, Rajasthan wei em i ha kiwa boon bha ki dukan ym du ha Jowai tangwa ha Ri-Loom Jaintia waroh kawi.

Advertisement ad1

Da ong wa hadien wa da ujor ki paidbah yei rukom man i phniang da test yeini phniang ha ki Laboratory wei da chem wa man i iwa sih (substandard) lyngba ka Report No. FSS/ML/81/15 Dated 21 September 2015.

Hei yaklam wa u DC ka West Jaintia Hills, u Arunkumar Kembhavi da pyntip u wa daw phah u ya ki sahep na ka Supply Branch wow leh yeiwa emkaam mynstep.

Heijooh i por kyntu u leh ya ki paidbah wow kiar nei pynemkaam ya ini i phniang hadooh wa mih da kiwi tawan ki hukum (order) neibynta i bha i miat ki paidbah waroh salonsar.

Share this:
Share on Facebook0Tweet about this on TwitterGoogle+0
Advertisement ad1