15 49.0138 8.38624 1 1 4000 1 http://wyrta.com 300 0

Daw bichaar ka PDF lada pynsñiaw ka UDP heiyatoh waka Election ha Shella

0 Comments

Shillong: U Working President ka People’s Democratic Front (PDF) uwa man leh u Montri ha ka sorkar Meghalaya Democratic Alliance (MDA), u Hamletson Dohling da ong u wa ka Party ym pu yoh ko kawon kawon i pynsñiaw markhmat na ka United Democratic Party (UDP) wow e kyrchaan lang ya u kyrtong wow yakhun ya ka Election chiteiñ samoi na Shella Constituency.

U Hamlet da ong u wa neiliang ka PDF lada ka UDP ka pynsñiaw ko ya ini i thmu, neiliang ka Party daw chong pyrkhat lang wa ki wakreh ka Party na Shella Circle. Da ong u wa ka PDF ha ka Election MLA 2018 da wan wa ar ko na kani ka Constituency kawa pynyoo wa ki paidbah ki em ki ka chaniah ha ka Party.

Hawa kyruiñ won yei man thylli noh ka chuki Lamphang ha ka Yung Dorbar Chna-aiñ Meghalaya Legislative Assembly, neiliang u Hamlet da ong u wa ka rai wow jied ya u Lamphang toh yong ka Meghalaya Democratic Alliance (MDA).

Da ong u wa i kwah yong ka UDP wow yoh ya u Lamphang toh wa em ki i sñiaw wa neidaw wa u Dr. Donkupar Roy da khlaad noh u hawa dang man u kam u Lamphang, tangwa yaka rai neibynta kani ka chuki toh wow chim bait da ka MDA ya uwon uwon wow phah na kawon kawon ka Party.

Advertisement ad1

0 Comments

Leave a Reply