Advertisement ad1

Jowai : Ka yalang paidbah wa da khut da ki seiñbhalang na Ri-Loom Jaintia mynstep da pyntip wa daw lai bait ko ha Biar Ka Blai, Mission Compound heipor 11:00 waje i step.

Advertisement ad1

Kam wow pynkynmoo heini wa ya kani ka yalang paidbah da khut da ki seińbhalang ka Ri Loom Jaintia hadien wa da kut i e por ki ya ka sorkar wei  khamtam ya ki 7 ngut ki nongmihkhmat wow kynriah kaam noh yow Deputy Commissioner ka West Jaintia Hills Arunkumar Kembhavi kamjooh ya u Addl. SP u Shemphang Syrti wa ki pulit kiwa emkti hei yatoh wa i chah dat chah bom ki khynnah ka Kiang Nangbah Government College, Jowai ha ka 10 tarik Khonchonglad.

Kini ki seiñ da dawa ki na ka sorkar wow :

  1. E noh ko ya ki dawa ki khynnah ka KNGC.
  2. Wow kyrriah kaam (transfer) ya u DC, u Arunkumar Kembhavi wa ya u Addl. SP u ma Shemphang Syrti na kani ka Distrik hapoh 15 sngi.
  3. Wow su bailutsan cha ki khynnah  kiwa mynsoo ha iwa da jia ha ka 10 tarik
  4. Wow pyndam noh ya ka FIR khlem booh kyndon pyrchah ki khynnah puræ la KNGC wa ki seiñbhalang hapoh 24 kynta.

Heijooh i por ki seiñ da kyntu ki leh ya ki paidbah, ki manbei manpa, ki waheh chnong wa waroh kitu wa chah ktah kiwa mynsoo ha ka 10 u Khonchonglad wow em bynta lang ki ha kani ka yalang paidbah.

Da yoh khubor sopsop leh wa ye u em i lai paidbah hadien wa da kut kani ka yalang kam ka dak wow pyrchah yei mynthi wei mutlop ka sorkar wei wow pynyoo yei yatylli ki paidbah ki khon ka Ri Loom Jaintia.

Share this:
Share on Facebook0Tweet about this on TwitterGoogle+0
Advertisement ad1