Advertisement ad1

Shillong: Kiwa yah khmat wa ha khlieh dooh ka tnat manbei ka BJP ha India wa tip kam ka Vijaya Rahatkar ynne ka sngi da wan yooh kjat ki ha ka jylla, wei i thmu wow wan ki toh wow pynkhlan ya ka BJP hapoh ka jylla khamtam neibynta ka election ka wow man ha u 2018, kamjooh u man ko kam chibynta wow pynche, pynsñiawthooh paidbah ya ki scheme ka sorkar NDA wa yahkhmat da u Montri Rangbahdooh ka ri, u Narendra Modi.

Hawa yaklam wa ki laad pathai khubor ynne ka sngi, ka Vijaya da ong ko wa ki manbei ka BJP Meghalaya daw psiah ki kawi pa kawi ka thlu yung ha waroh ki chnong ki thaw ha kani ka jylla yow pynsñiawthooh ya ki scheme yong ka sorkar, kiwa kynthup ya ka Beti Bajoa Beti Padhoa, ka Pradhan Mantri Ujawala Yojana, ka MUDRA, ka scheme wa yatoh wa ki manbei kiwa punkhon kiwa toh u yoh T. 6000 wow yarap ya ka bai kha khon.

Advertisement ad1

“Ka yalap paidbah wow pynsñiawthooh hajrong ki scheme waphær waphær yong ka sorkar wa da dep sdang ha kiwi ki jylla wa ha Meghalaya, ka Mahila Morcha daw sdang noh ko wow pyntikna wow lai bait kini ki scheme”, da ong ka Vijaya.

Daw sdang leh ya ki yalang pynsñiawthooh paidbah ha waroh ki chnong ki thaw yei leh bha u Modi kiwa da yoh myntoi waroh kawi ka ri.

Da ong ko leh wa waroh ini toh kam wow lehkmen yei dap 100 snem u Dr. Deendayal Upadhaya, uwa man uwi na kiwa seiñ ya ka BJP wei ka Mahila Morcha daw phah ko ya kiwa kreh ka party  wow lai cha man ki thlu yung yow pynnsñiawthooh ya ki paidbah hajrong ki scheme waphær waphær ka sorkar NDA.

Share this:
Share on Facebook0Tweet about this on TwitterGoogle+0
Advertisement ad1