15 49.0138 8.38624 1 1 4000 1 http://wyrta.com 300

Daw pynman ya ki Audition neibynta ka MGT Season-3

0 Comments

Jowai: Ka seiñ Meghalaya Talents Search Organisation (MTSO) da pyntip ko wa ka Meghalaya’s Got Talent 2018 Season– 3, daw pynman ya ka Audition kawa nyngkong dooh ha ka 1 Naisaphra 2018 ka wow man ha Pynursla ha ka Hall Ka Dorbar Shnong Dong Gate Nenggate wa Phlangshlain. Ka Audition kawa ar u man ko ha ka 4 tarik Naisaphra ha Mawkyrwat ha Dorbar Hall.

Ha Mairang u man ko ha ka 6 tarik Naisaphra 2018 ha Tirot Sing Memorial Hall, Pyndengumiong. Ha Dawki u man ko ha ka 8 tarik Naisaphra 2018 ha Hall Shnong. Ha Nongpoh u man ko ha ka Sajer Dorbar Hall ha ka 10 tarik Naisaphra.

Ha Khliehriat u man ko ha ka 11 tarik Naisaphra ha Khleihriat West Community Hall. Ha Nongstoin u man ko ha ka 16 tarik Naisaphra 2018 ha Ri Khasi Free Morning U.P. School. Katwa ka Jowai Audition u man ko ha ka 18 tarik Naisaphra ha Tympang Iawmusiang Dorbar Hall. Ha Bhoirymbong u man ko ha ka 20 tarik Naisaphra wei ha Tura u man ko ha ka 25 tarik Naisaphra 2018. Ha Sohra (Maraikaphon Dong) wa ka Shillong Audition (St. Margaret’s Higher Secondary School, Laitumkhrah) u man ki ha ka 27 tarik Naisaphra wa ka 01 tarik Naikhynde 2018.

Kamtæ da kyrpaad ya kiwon kiwon kiwa kwah wow chimbynta nadooh ki waheh, ki khynroo khyllood wa ki khynnah kiwa kwah wow pynyoo yei sap yong ki wow wan ki ha kani ka rynsan ka Meghalaya’s Got Talent Season–3.

Ya ka yutip wa bniah ye ki u phone ha kini ki number 7630963034, 8974374834, 8258807194, 9774025024.

Kam wow pynkynmoo wa ya kiwa rah yei naam jop u yoh ki T. 2 lak, kiwa poi wa ar u yoh ki T. 70 hajar wei kiwa yoh wa leh u yoh ki T. 30 hajar

Ka bai Registration u man ko T. 100 ya kiwa chimbynta samen, T. 200 ki dhab katwa ka Participation Fee u man ko T. 1000 neibynta ka Solo/Duet/Group.

 

Pythymme ka JSU – Shillong Circle ya kiwa kitk....

Previous

Pynthymme ka Seiñtylli Lang Niamtre Ladthadlab....

Next

0 Comments

Leave a Reply