Advertisement ad1

Jowai : Kawi na ki nongrwai wa da pawnaam bha na Shillong ka Grace Maureen Sohliya kawa dang 20 snem i rta katni dang yakhun ko ha ka yakop rwai ‘The Stage’ ka yakop rwai hei ktienpharæng wa nyngkong dooh ha ri India ya kawa da pynyoo leh ha u channel Colors Infinity.

Ka Grace man ko leh kawa tbian dooh na ki nongyavhimbynta weiwa ki judge da khut ki ka leh ka ‘powerful package’. Man ko leh kawa samen na ka jylla Meghalaya weiwa em leh du 3 ngut na ki thaiñ mihsngi kiwa kynthup na ka jylla Mizoram, Sikkim wa na Nagaland. Weiwa da psiah ko cha ka Top 10 ha kani ka yakop rwai.

Hanlada ym pu em u chah sikai pynpliah ko tangwa da e mynsien ya ka da ki lok wa kiwa hayung hasem yong ka heiwa da jooh chim bynta ko ha ki yakop rwai nadooh dang khynnah wei boonsien na ki da man ko kawa jop.

Ynnin snem ka Grace Maureen Sohliya, da jop ko ya ka naam Karaoke Queen of India heiwa da yoh ko ya ka song poisa wa T. 50,000 weiwa da yoh ko leh u lai cha London.

Ha kani ka kynti ka Grace Maureen daw wan pyrwyrngia ko ya ki paidbah ka chnong Jowai ha ka Winter Queen 2015 ka wow man ha ka janmiet 4 Kmaichonglad 2015 ha Madan Jrisaleiñ, Chutwakhu, Jowai.

Share this:
Share on Facebook0Tweet about this on TwitterGoogle+0
Advertisement ad1