Advertisement ad1

Shillong: “Ka North Eastern Council (NEC) da booh kyndon ko wa kiwon kiwon ki kaam wa da e poisa ko cha ki sorkar jylla, lada ym ye ki u pynbiang ya ka Utilization Certificate (UC) hapoh chi snem chiteiñ, daw sangeh noh ko u e poisa ya ki” yeini da ong u Secretary ka NEC u Ram Muivah hawa yaklam wa kiwa pathai khubor deiwa ong wa ka NEC boonsien jooh thoh chithi ko cha waroh ki sorkar jylla kani ka thaiñ mihsngi heiwa da kyntu leh ya ki wow pynbiang noh ya ka UC heipor wa biang.

“I da jooh thoh chithi i boonsien cha ki sorkar jylla kani ka thaiñ wei da ong ya ki wa emkaam u pynbiang ya ka UC hapoh chisnem chiteiñ wei lada ym ye ki daw sangeh noh u e poisa ya ki”, ong u Muivah.

Advertisement ad1

Da ong u wa kiwon kiwon ki kaam kiwa ki sorkar jylla ym ye ki u pynbiang ya ka UC hapoh san snem, ka NEC daw dam noh ko u e yarap poisa cha ki wei ym bien hiwot de ko wow yaklam wa ki.

Heijooh ipor, u Secretary ka NEC da ong u wa lada emkaam ye u pynyinsur kajiak ya ki kaam wa yatoh wa ki chna sarok wa ki kaam bordiñ neibhah ha kini ki kaam em ki kynti wa slem u ye wow pyndep ya ki.

Hei yatoh wa ki sarok ha Meghalaya, u Muivah da ong u wa hanlada man ki kiwa suki u krehkaam tangwa man ki kiwa biang, tangwa lait noh na ki kattu katni ki bynta ha Khasi Hills wa ha Garo Hills.

Da ong u wa ya i chna pynmiat ya ki sarok da chem chitom da ka sorkar jylla khamtam ha ki por nachwa heiwa da paan poisa na ki tnat sorkar pyrdi tangwa katni ka Niti Ayog da pynmih ko ya ka kyndon wa kawon kawon ka kaam kawa da mang, toh u em 10% neibynta wow chna pynmiat. Da pyntip u wa kamwa 65,000 Km ki sarok da chna da i yarap poisa ka NEC ha waroh ka thaiñ mihsngi.

Dapyntip u leh wa katni dang pynkhreh ya ka Detail Project Report (DPR) neibynta le snem wei da booh thong wow pyndep hadooh u 2020.

“Da mang poisa i T. 7500 Klur ha ki le snem iwa mut T. 2500 Klur chi snem neibynta ki jylla ka thaiñ wei ya kani ka NEC dang yang ko i mynjur na ka tnat tyngka ka sorkar India”, da ong u, wei da booh leh da ka scheme North East Road Development Scheme wow chna sarok ha kani ka thaiñ.

Ha kani ka scheme da booh thong wow chna 50 tylli ki sarok hei lut kamwa T.3500 klur wa em kamwa 15,000 Km wei daw chna won ha ki le snem wow wan wei kini ki sarok toh ki wow pynyabi kawi ka jylla wa kawi.

Heijooh i por u Secretary ka NEC da pynsñiaw u yei sñiaw yahaap u wa i ong u MP ka Tura, u Conrad K Sangma wa ka NEC ymtoh u man ko du ka wow saam scheme tangwa toh u man ko kawa saiñdur ya ki kaam wow kyntu ya ka thaiñ waroh kawi kamwa man ki ADB wa ka World Bank.

Tangwa da pynsñiaw u leh ya i eh wa mih wa ka NEC emkaam ko ya kiwa kreh kiwa chkeh wa ka tulop kawa biang.

“Ka tulop yong kiwa kreh ka NEC kiwa heh dooh toh du T. 8 lak chi snem wei lada su tang chi lak leh ym man ko kawa suk wow yoh ya ki bru wa chkeh, katwa kiwa kreh ka ADB yoh ki kamwa T. 80 lak chi snem”, da pynrap u Secretary ka NEC.

Share this:
Share on Facebook0Tweet about this on TwitterGoogle+0
Advertisement ad1