15 49.0138 8.38624 1 1 4000 1 http://wyrta.com 300

Daw sdang chna ya ka 2nd Phase ka NEIAH wa kynjoh T. 40 klur tam

0 Comments
Advertisement ad1

Jowai: U Union Minister of State (I/C) for AYUSH u Shripad Yesso Naik da booh u ya u mooyurim yong ka 2nd Phase wow chna ya ka North East Institute of Ayurveda & Homeopathy (NEIAH) wa em ha Mawdiangdiang, Shillong ynne ka sngi.

I dor wa da mang wow chna ya kani ka thaw puræ man ko T. 40.80 Klur ha i thaw wa heh 10481.53 Sq.mt. wei daw em ko leh i thaw sah ya kiwa lai puræ  ki doctor, ki wakreh wei daw em leh ka Guest House.

Advertisement ad1
Advertisement ad1

U montri hei klam u da ong u wa kani ka 2nd Phase daw yarap bha ko yeiwa emkaam ki waroh wa em hapoh kani ka thaw yow ye ki leh u e yei chakri wa bha.

Da ong u leh wa da hun u yei rukom kreh kani ka thaw kawa da sdang nadooh u snem 2016, wei daw pynmih ko ya kiwa boon ki bru kiwa daw yarap bha ya ki kaam chait i khiah wei daw pynchlur ko leh ya ki bru wow rep wei wow pynneh ya ki dawai kynbat wei heijooh i por leh daw yarap ko ya kiwa sumaar deiwa pynemkaam da i stat kiwa rim wa jah.

Chooh chooh da ong u wa ka NEIAH ye ko u man kam ka thaw wow wan ki bru wow thooh bniah ha ka rukom sumaar Ayurveda wa ki dawai kynbat ya waroh ka South East Asia.

Da ong u leh wa ka AYUSH ye ko leh wow wanrah ya ka roi ka paar ya waroh kawi ka thaaiñ mihsngi lyngba ka sumaar ya kiwa chitom kawa tip kam ka Medical Tourism wei daw pynku ko leh ya ka khayi pateiñ wow rep wow dai ya ki dawai kynbat cha kiwi ki ri.

 

Advertisement ad1
Advertisement ad1
Advertisement ad1
Advertisement ad1

Rai ka Dorbar Chnong Mihmyntdu wow pynyieñ da ....

Previous

Pythymme ka JSU – Shillong Circle ya kiwa kitk....

Next

0 Comments

Leave a Reply