Advertisement ad1

Jowai: Ka seiñ Hynniewtrep National Youth Front (HNYF) ynne ka sngi da li booh dorkhat ko ha u Deputy Commissioner ka West Jaiñtia u R. Rapthap wow dawa na oo wa ym hoi u ebor wow dai kiad kiwa pynman ya ka NH7 Wenfield Festival kawa daw pynman ha ka 27-28 tarik uni u bnai ha Thadlaskeiñ Lad Mukhla, West Jaiñtia Hills.

Neiliang u President ka seiñ u Donbok Dkhar da ong u wa ha kini ki snem wa dadep pynman ya kani ka NH7 ha Ri-bhoi District neidaw wa muaid kiwa wan cha ka  da jia boon iwa sñiawsih kam i ya tyrrah kari wa i leh kulmar ki paidbah.

Advertisement ad1

Ka seiñ leh da dawa ko wow pynbna da ka No Drinking Zone cha lait ka thaw pynman ya kani ka NH7 yow lait ki paidbah u chong dih kiad cha lait kam cha ki thaw pynyieñ kari.

U DC won da pyntip wa kiwa pynman ya kani ka NH7 da dep yachem ki wa oo wei ya ka Temporary Bar License da dep yoh ki na u Commissioner ka tnat Excise wei ym ye u leh iyi iyi leh tangwa daw phah hi u ya ka dorkhat ka seiñ cha ki heh ka excise yow pyrkhat ki ya ini.

Da ong u leh wa neiliang kiwa pynman ya ka NH7 da kular ki wow chimkhia yei rukom dai kiad ki.

Hei yatoh won wow pynbna ya ka No Drinking Zone, da ong toh kawa ye u leh wei daw chong pyrkhat kammon u leh yeini.

Share this:
Share on Facebook0Tweet about this on TwitterGoogle+0
Advertisement ad1