15 49.0138 8.38624 1 1 4000 1 http://wyrta.com 300

Dawa ka KSU-JHDU na ka JHADC wow pyndooh ST ya ki kynthai Pnar wa chongkha wa ki baar jylla kamwa leh ka KHADC

3 Comments

Jowai: Ka Khasi Students’ Union – Jaiñtia Hills District Unit (KSU-JHDU) ynne ka sngi da lai booh dorkhat ko ha u CEM ka JHADC u Madonbai Rymbai heiyatoh wow pyndooh Schedule Tribe ya ki kynthai Pnar kiwa chongkha khleh wa kiwa ym toh para jaitbru.

Ka seiñ da ong ko wa da toh por wa ka Council wow chim ko ya kani ka rai wow yatai ñia ha dorbar wow chna noh ya ka aiñ wow yada ya ki para doh para snaam yong i kam wa leh hapoh ka Khasi Hills Autonomous District Council (KHADC) wei neiliang u CEM da pynsñiaw u yei yaroh ya ka seiñ yei pynkymoo wa emkaam wow yada ya ka jaitbru wa khian paaid yong i wei da khana u wa dadep chong pyrkhat heiyatoh wa ini waroh.

Ka seiñ da wanrah ko leh ya ki kattu katni tylli ki phang dawa kiwa kamni ha wah:

  1. Ka seiñ da ong ko wa da chem ko wa ya yoh ki baarjylla wow khayi deiwa pynemkaam dei pyrtuid ki kynthai wei ym paan Trading License de ki na ka District Council.
  2. Dei wym em kam kani ka aiñ daw ktah ko ya ka dustur riti wa kyrpang yong ka jaitbru.
  3. Da mih leh kiwa chim kabu yow man tre chnong lyngba ki Schedule Tribe Certificate.
  4. Da em leh i dooh nong ha ka khayi ka pateiñ heiwa ki baar jylla da rieh ki hapoh i pyrtuid ki kynthai.

Ka seiñ da kyntu joor ko ya ka Jaiñtia Hills Autonomous District Council wow wanrah smat ya kam kani ka Bill wa da wanrah da ka KHADC wei da ngait ki wa deiwa em kam kani ka aiñ, ki chynrang yong kiwi ki jaitbru ym chlur de ki wow wan chongkha wa ki kynthai hapoh ka bri u Ynñiawtrep, wei daw dooh leh yei chim kur chim jait da ki yong i.

Advertisement ad1

Ye ki bru kiwa ym em mih pyrtuid ha ka NRC wow....

Previous

E kti ka Jaiñtia Alphabet Sub-Committee ya ka ....

Next

3 Comments

  • July 30, 2018 at 5:37 pm
    Peter Thyrniang

    Ko phi ki MDC jong ka JHADC pynkloi seh ban wanrah lang ïa kajuh ka Bill ïada Jaitbynriew khnang ban pynkhlaiñ shuh shuh ïa kane ka jingdawa bakyrkieh bad kongsan jong ngi hi ki Khun Khasi-Pnar ka Bri u Hynñiewtrep… Khublei shibun eh ïa phi ka KSU-JHDU ba long lakloi ban leit pynsngew ha ja por ba biang tam.!

    Reply
  • July 30, 2018 at 6:03 pm
    Amora n s

    Hap leh ia Ka ba dei!👍

    Reply
  • July 31, 2018 at 8:59 am
    Lamn Lamar

    Biang hi kate ka ain tangwa wym toh u leh syndet syndet ka JHADC toh u pyrkhat shwa u ei ka rai khnang ioh lait ki u mih i awri awra hadien

    Reply

Leave a Reply