15 49.0138 8.38624 1 1 4000 1 http://wyrta.com 300

Dawa ka KSU-WJC wow pynku kyrdan ya ka Padu Dispensary cha ka PHC

0 Comments
Advertisement ad1
Advertisement ad1

Jowai: Ka Khasi Students’ Union War Jaiñtia Circle da lai yachem ko wei da booh dorkhat ko leh ha u montri wa pait ya ka chnat i chait i khiah u A.L Hek ha ka 7 tarik uni u bnai.

Ka dorkhat toh neibynta i duna wa i tkoh i rukom kehkaam ki Sub – Centre, Public Health Centre wa Community Health Centre hapoh ka Amlarem Sub – Division.

Advertisement ad1
Advertisement ad1
Advertisement ad1

I lai booh dorkhat yong ka seiñ toh hadien wa ka seiñ da wan sylli ko ya waroh ki thaw e sumaar hapoh ka Amlarem Sub Division wei ka seiñ da chem ko chiboon ki eh wa i duna kiwa ki paidbah ka thaaiñ War Jaiñtia yachem ki.

Iwa kongsan dooh iwa emkaam u leh toh wow pynkylla noh ya ka Padu State Dispensary cha ka Public Health Centre neibhah kani ka Dispensary da chakri ko nadooh u snem 1970 ya ki khatwi tylli ki chnong kiwa haap hapoh kani ka Dispensary.

Neiliang ka seiñ da ong ko wa katni wa ki bru leh da boon ki kamtæ da booh ki yei eh ya kani ka Dispensary neibhah wym biang ki tiar ki tar wow e sumaar.

Ka seiñ leh da kyntu ko ya u montri wow chimkhia lang neibynta ki Sub-Centre, P.H.C wa C.H.C kiwa em chiboon i duna khnang wow rap pynsuk ya ki paidbah wow yoh ki ka laad wow e sumaar hajan yow lait ki u lai chadooh Jowai wa Shillong.

Kamtæ neiliang u montri da chimkhia u ya ini wei da phah u ya ka seiñ wow lai yachem wa ki waheh chnong khnang wa kani ka kaam u lai bait ko.

 

Pynman ka WWO ka SRJ ya ka pynsñiawthooh hajro....

Previous

Da wai ya ka Additional School Building ka Mis....

Next

0 Comments

Leave a Reply