15 49.0138 8.38624 1 1 4000 1 http://wyrta.com 300

Dawa ka NESO wow pynkrehkaam ya ka NRC, ILP wei pyrchaah leh ya ka aiñ wow pdiang ya ki nong Bangla kam ki tre ri

0 Comments
Advertisement ad1
Advertisement ad1

Jowai: Ka North East Students’ Organisation (NESO) kawi na ki seiñ yakrehlang ki seiñbhalang ynnin ka 10 tarik, kawa kynthup ya ka Khasi Students’ Union (KSU), ka All Assam Students’ Union (AASU), Naga Students’ Federation (NSF), ka Mizo Zirlai Pawl (MZP), Twipra Students’ Federation (TSF), ka All Manipur Students’ Union (AMSU), Garo Students’ Union (GSU) wa ka All Arunachal Pradesh Students’ Union (AAPSU), kiwa man kam ki seiñ wa mihkhmat kiwa puræ hapoh ki 7 tylli ki jylla ka thaaiñ mihsngi da li e dorkhat ki ha u Rajnath Singh u montri ka kaam pooh yung ka ri wow pynkynmoo ya ki kaam wa da ktah ya ka rukom im, ka dustur riti, ka khih ka khan wa da ktah ya kani ka thaaiñ.

Kini ki seiñ da ong ki wa ya ka aiñ Right to Education Act kawa katni wa pynkrehkaam neibynta kiwa 6-14 snem toh u pynkylla ka wow krehkaam ko nadooh wa sdang lai skur hadooh wa pyndep ya ka Class XII iwa mut nadooh 5-18 snem yow yoh yarap ya ka hikai wa biang, kawa ym lutsan khamtam cha ki thaw wa boon kiwa dooh wa duk yow yoh ki leh ya ki kot ki sla wa mynkna wei ym biang du wow lait na ka bai skur wei wow e ka wi ka Midday Meal.

Advertisement ad1
Advertisement ad1

Kamjooh leh wow pynboon ya kiwa sikai heiwa katni uwi uwa sikai da haap pait u palat yei bor yong oo.

Heijooh i por leh da emkaam wow tipmit noh ya ki ktien klam kani ka thaaiñ hapoh ka 8th Schedule kam ya ka ktien Khasi, Garo ka Meghalaya, wa ka ktien Kok Borok ka Tripura.

Da dawa leh wow smat u pyndep ya i klam yasuk wa ki seiñ kieñ suloi wei wow pyndooh noh ya ka aiñ Armed Forces Special Power Act (AFSPA), 1958 kawa da ktah ya ki paidbah wa lui lui kiwa da chah pynbaad bakla hapooh kani ka aiñ du neidaw wa emkti ki wa ki seiñ kieñ suloi khlem ki sabut wa biang.

Kiwi de ki aiñ wa dawa wow pyndooh noh toh ka The Assam Disturbed Areas Act, 1995, The Assam Maintenance of Public Order (Autonomous District) Act, 1953, The National Security Act, 1980 wa ka The Punjab State Security Act, 1953.

Kini ki seiñ da ong ki wa ka aiñ Armed Forces Special Powers Act, 1958 man ko pyrchah ya i rai ka United Nations Universal Declaration of Human Rights (UDHR) wa kiwi kiwi ki kyndon aiñ ka pyrthai waroh kawi.

Ki seiñ leh da klam ko chaphang i wan psiah tooh iwa man pyrchah aiñ kiwa yut wiar wa kiwa na baar jylla wow pynkrehkaam ya ka NRC hapoh ka thaaiñ mihsngi wei da pyrchah ki leh ya ka Order, Rule, Citizenship (Amendment) Bill 2016 and long term Visa.

Da ong wa lada ym chimkhia ya ini kiwa khiañ paaid hapoh ka thaaiñ mihsngi daw chah tymmoh ki ha kiwi ki jaitbru kiwa wan yut na kiwi ki chnong yong ki wow thooh kreh thooh khih.

Ka NESO leh da dawa ko wow pynkrehkaam noh ya ka ILP, NRC wei ym pdiang yei pynkylla ya ka Citizenship Amendment Bill ka aiñ wow man tre ri kawa yarap ya ki Bangla wow man tre ri ki hapoh India wei da dawa leh wym man u krehkaam ka Indo-Nepal Treaty of Friendship 1950 hapoh ka thaaiñ mihsngi kawa e laad ya ki Nepali wow psiah u mih ki katwa ngait chapoh ki jylla ka thaaiñ mihsngi.

Da dawa leh wow chna ya Indo-Bangla Treaty wow ye u beh ya ki Bangla kiwa sah tooh pyrchah ya ka aiñ hapoh ka thaaiñ mihsngi kamjooh kiwi ki kaam kiwa emkaam wow pynkrehkaam yow wanrah ya ka roi ka paar hapoh ka thaaiñ mihsngi.

 

Ya kani ka dorkhat ka NESO ye phi u download ka deiwa click heini hawah.

Click here to download

Advertisement ad1
Advertisement ad1
Advertisement ad1
Advertisement ad1
Advertisement ad1

Ha Tura ye wow yoh da u kyrtong ka NPP, ha Shi....

Previous

Wan thooh bniah ki seiñ niam ya ka poisa wa ku....

Next

0 Comments

Leave a Reply