Advertisement ad1

Jowai: Ka seiñ WJNC da pynsñiaw ko yei chrai yei leh ki pulit pyllai kari heiwa da sdang ki wow pynhiar ya kiwa chong kari kamai Tourist wa kiwa chong kari kamai Local Taxi khlem pyntip chwa yeini cha ki seiñ kamai kari.

Ka seiñ da ong ko wa boon kiwa kamai ja kpoh hapoh ka West Jaiñtia nei kamai kari kiwa biang ki kot ki sla wei kiwa bood ya ka aiñ nadooh wow pyndait Seatbelt tangwa ya ki bru wa kit ki haap pynduna yeiwa kit ki chawa pallat pood.

Advertisement ad1

Hadien wa ka seiñ da yoh ujor ko na kiwa yah kari da chem ko wa ini i sylli ya ki kari kamai Tourist da joor bha i ha laad Mokyrdup wei da leh yeini ya ki Local Taxi wa kit khynnah skur kiwa haap u hiar ha chiteiñ luti.

Neiliang ka seiñ da ngiah ko yei leh embor ki pulit pyllai kari wei hei yatoh wa ini daw ujor ko cha u Home Minister u HDR Lyngdoh wow tuklar yei leh khlem yurim yei chah daiñ kuna yei daw wa khian wa nai. Kamtæ ka seiñ da dawa ko wow kyrriah noh na u D.H. Pde u Traffic Incharge ka Jowai Traffic Branch wei daw pyntip leh cha ki MLA ka ri-loom Jaiñtia yow pait ki yeini waroh.

Sa iwi leh ka seiñ leh da beiñ ko wa booh pyllai kari ki pulit da ki khynnah skur kiwa dang khian i pyrkhat pyrdaiñ lada jia iwa siñawsih yi wow bahkhlieh.

Kani toh katkam ka khubor wa phah da u wa u President ka seiñ PS Phawa.

Share this:
Share on Facebook0Tweet about this on TwitterGoogle+0
Advertisement ad1