15 49.0138 8.38624 1 1 4000 1 http://wyrta.com 300 0

Dawa pynkrehkaam ka NEIPF ya ka Sub-Centre ha chnong Natbor wei wow thung kreh yaka tre thaw

0 Comments

Jowai: Katkam ka khubor wa da phah da kiwa yahkhmat ka North East Indigenous People Front (NEIPF) Youth Wing South Eastern Border Region, East Jaiñtia Hills District, ka seiñ da dawa ko na u Deputy Commissioner yong ka District wow pynkrehkaam noh yaka Sub-Centre yong ka chnat ka chait ka khiah kawa da mang wow booh haka chnong Natbor.

Kiwa yahkhmat ka NEIPF kiwa kynthup ya u President ka East Jaiñtia Wing u G.R. Bareh, u President ka South Eastern Border Region u Letmon Pyrtuh wa u Secretary u P. Surong, da pynsñiaw ki yei eh i khoo kiwa chong chnong yong kani ka thaaiñ khappood da yachem ki.

Advertisement ad1

Da ong wa kani ka thaaiñ man ko kawa jngai naka nongbah Jowai wa Shillong wei ka Health Center kawa em hajan dooh jngai ko kamwa 80 Km. Ini da wanrah ko yei eh wa chiboon ya kiwa chong chnong khamtam hawa jia i kjut i chitom, nalor wa kiwa chong chnong man ki kiwa dooh wa duk wow lai chim dawai wei wow su bai kari.

Kamtæ ka seiñ da kyntu joor ko ya u Deputy Commissioner ka East Jaintia Hills District wow phah yaka chnat wow wai wow pynkrehkaam noh smat katwa ye yaka Sub-Centre ha ka chnong Natbor, khnang wow pynsuk ya waroh kiwa chong chnong kiwa em ha kani ka chnong wa ki chnong wa marjan.

Ha i jooh i por ka NEIPF da dawa ko leh wow thung kam ka Chowkidar ya ka Shylla Mynthlu kawa man kam ka tre thaw kawa da e sñiawbha ya i thaw wow booh ya kani ka Sub-Centre ha chnong Natbor.

Advertisement ad1
Advertisement ad1

0 Comments

Leave a Reply