Advertisement ad1

Jowai: U ma Marki Mulieh u MDC na ka liang pyrchah ha ka chithi wa phah u cha u Chief Executive Member ka JHADC u ma Thombor Shiwat da dawa u thung noh da ka Independent Inquiry hei iatoh wa ka jingdai ia ki Dieñ Kseh ka Council kiwa em ha ka chnong Saitsama.

Nei liang u ma Marki ha ka chithi kawa da pdiang u CEM ha ka 21 tarik uni u bnai ong u wa ym em hun u ia i lai  jurip lang (Joint Inspection) deilang wa ki dkhot ka EC wa ki liang pyrchah ha ka 18 tarik uni u bnai, neidaw wa ym ye u ioh ia i jingkheiñ iwa thikna ha katu ka sngi. Ha kani ka jurip ka EC ym em khut lang ko ia ka dorbar chnong Saitsama kawa toh ka chnong wa em wynta lang ha i peit i sumar ia kini ki dieñ kseh.

Advertisement ad1

I jingkhein wa ioh na ka EC toh kitai ki deiñ kseh da dep pam da u Contractor du 3500 tylli wei dang sah sa 2000 tylli,  katwa na ka liang ki nongchong chnong won da ong wa u Contractor da dep pam u hadooh 5200-5300 tylli. Natlor ini waroh katkam i lai jurip neiliang u ma Mulieh da chem u wa da pynkheiñ ia ki kyndon ka aiñ iong ka United Khasi-Jaintia Hills Autonomous District (Management and control of Forests) Act’ 1958, United Khasi-Jaintia Hills Autonomous District (Management and control of Forests) Act’ 1960 kamjooh leh da pynkheiñ ia ki kyndon iong ka yung bichar Supreme Court.

Kamtæ nei liang iong u Marki Mulieh da dawa u na ka EC iong ka JHADC u thung ia ka Committee kawa kyrpang næ ka kynhun jurip wym chahchilaing (Independent Inquiry) khnang wa u paidbah u  ioh u ia ka jingkheiñ kawa che.

Share this:
Share on Facebook0Tweet about this on TwitterGoogle+0
Advertisement ad1