Baghmara : Ki wakreh sorkar hapoh South Garo Hills District kiwa kynhtup ya ki heh sorkar ha kani ka District, ki seiñbhalang, wa kiwi ki nongyalam na Baghmara ynne da pynman ki ya ka Peace Rally ha Baghmara kam ka dak wow pyrchah ya i chah rahbor ki wakreh sorkar hapoh South Garo Hills District dei langer kamjooh leh wow dawa wow pynlait noh bran ya u BDO, ka Chokpot, u Jude Rangku T. Sangma.

Ha ka yalang wa tbian ka Deputy Commissioner, ka South Garo Hills District, ka Shella N. Marak kyntu ko ya ki paidbah ka South Garo Hills wow yakrehlang wow wanrah yei chongsuk chongsaiñ hapoh kani ka District.

“Da toh i por wow yieñ yaleh pyrchah i ya kam kini ki kaam wa pyrchah ya u bru pyrthai wei chah rahbor ki wakreh sorkar khari khari hapoh ka South Garo Hills District iwa ktah joor yei roi i par wei chongsuk chongsaiñ”, da ong ko.

U Surosh M. Sangma da kyntu u wow pynlait noh bran bran wei khlem kyndon ya u BDO, Chokpot, u Jude Rangku T. Sangma.

Share this:
Share on Facebook0Tweet about this on TwitterGoogle+0
Advertisement ad1