District Health Adalat ha 17th uni u Naisaphra

Jwai: U Deputy Commissioner wa man leh u Chairman District Health Society ka West Jaintia Hills District da pynbna u wa ka District Health Adalat daw man ko ha Jowai Hospital ha ka 17th tarik  uni u bnai nadooh 11 waje i step.

Advertisement ad1

U DC da khana u leh waroh i ood ki paidbah ki wa iatoh wa ki Sub-Centers, Primary Health Centers PHCs, Community Health Centers (CHCs) kamjooh ia ka Jowai Civil Hospital daw pyndep ki ha kani ka Health Adalat. Ki paidbah leh ye ki e u e jingmut yow pynbha pynmiat ia ka District Hospital, i rukom krehkaam ki Health Centers wa kiwa kiwa iatoh wa i cheit i khiah.

Waroh ki skim ka sorkar jylla wa ki iong ka sorkar pyrdi kiwa iatoh wa i cheit i khiah kam ki National Rural Mission (NRHM), Meghalaya Health Insurance Scheme (MHIS), National Vector Borne Disease Control Programme (NVBDCP), National Leprosy Eradication Programme (NLEP), National Aids Control Programme (NACP), National Mental Health Programme (NMHP) wa kiwi tawan ki skim daw yaklam hakani ka Health Adalat. U Deputy Commissioner da khut u ia waroh ki NGOs, Civil Society Organizations, ki nongchong chnong u iachim bynta chongchit ha kani ka Health Adalat ioh u em i snaiwthoohlang wa ki nongkreh ka distrik wa ki paidbah.

 

Daw pynman yakop khwe dakha ka dong Moopynyieñ, Wapungskur

Wapungskur: Ka Fishing Committee iong ka dong Moopynyieñ wa em ha chnong Wapungskur, East Jaintia Hills daw pynman yakop khwe dakha ko ha ka 13 tarik uni u bnai ha ka nan dakha iong ka chnong ka wa em ha Kyndonsoo.

Kani ka khwe dakha u  sdang ko nadooh 8 waje i step hadooh 3 waje i janmiet. Kiwa kh chimbynta u psiah ki chapoh i thaw khwe nadooh 5 waje i step. Ya kani ka yakop da pynman yow pynmih poisa nei bynta ka madan kynjetbol iong ka dong wa kiwi an ki emkam iong ka dong.

Ya kiwa jop  ia ka buskit wa nyngkong u ioh ki Rs. 20,000, wa ar Rs. 10,000, wa le Rs. 5000, wa soo Rs. 2500. Em leh ki consolation prize wa 10 tylli ha i dor Rs. 1000 ka wi.

Ka Dong Moopynieiñ daw theh dakha ko haka tai ka nan 2 quintal chiteiñ natlor kiwa da em chwa hapoh ka nan. Kiwa kwah u tip rap bniah, ye ki u phone ha kini ki mobile number 9612624084, 7085405087, 9436109832.

 

Pyntymme nongkitkam ka Seiñraij Jwai

Jwai: Ka Seiñraij jwai ha ka 4th tarik iong uni u Naisaphara da jied pynthymme ko ia ki nongkitkaam iong ka neibynta u snem 2015-16. U Ma O.R Challam da chah jied biang u kam u President iong ka Seiñraj Jwai, katwa ia i kam Vice President da jied ia u Ma O.C. Lakiang wa ia u Ma Dawanpoi Passah. Da jied ia u Ma Arwotki Sumer kam u General secretary chirup lang wa ki 22 ngut ki nongkitkam neibynta iong ki committee waphær waphær, kamjooh leh wa ki 20 ngut ki dkhot iong ka Excecutive Committee.

Share this:
Share on Facebook0Tweet about this on TwitterGoogle+0
Advertisement ad1