Advertisement ad1

Jowai: Ynne ka sngi ha chnong Demthring da em i jia wa sñiawsih heiwa arngut ki chi lok da dooh ki yei mynsien yong ki hadien wa ngam um ki heipor wa lai sum ki.

Ini da jia i heipor kamwa 1 waje i sngi ha ka nan khwe dakha wa tip kam ka Wah Radhoh. Kani ka nan toh kawa da kær soodong wei jooh pynman yakop khwe dakha wei da tih yillu ya ka.

Advertisement ad1

Ha ini i jia da em 4 ngut chi lok kiwa da mih yow lai sum hadien wa boon sngi da yoh ka sngi u mih. Katkam ka khubor wa yoh, arngut da kynthiar ki nyngkong hapoh ka nan wei da mih noh ki neidaw wa yillu ko.

U Ebunki Suting uwa dang 13 snem uwa lai Class 8 ha ka Presbyterian Secondary School, Demthring toh u wym tip u yimpa wei manda ngam um u da khut u ya u Banpynsuk Ryngkhlem uwa em 16 snem uwa lai skur ha Govt. Boys’ HS School Jowai yow rap u oo uwa tip u yimpa.

Manda poi u ha u Eboonki da chah taan lang u wa oo chapoh um. Ki arngut ki lok wa em harood da li thooh yarap ki na ki bru wa em chajan wei hadien da wan ki paidbah kamjooh ki pulit wow thooh ya ki arngut wa ngam um.

Heipor kamwa 5:30 i janmiet ki paidbah kiwa pynemkaam da ki chken ki siej da chem ki ya ki arngut kiwa em marjan wei da sai ya ki.

U Wanpynsuk toh uwa daw dap 17 snem ha uni u bnai.

Share this:
Share on Facebook0Tweet about this on TwitterGoogle+0
Advertisement ad1