15 49.0138 8.38624 1 1 4000 1 http://wyrta.com 300 0

Dooh yei mynsien ki 7 ngut hadien wa hap ka Helicopter ka Indian Air Force ha Arunachal Pradesh
La 7 sien hap Helicopter ha Arunachal Pradesh nadooh u snem 2010

0 Comments

Jowai: Ha i step ka 6 tarik heipor kamwa 6 waje, ka Helicopter Mi-17 V5 ka Indian Air Force da haap ko hajan i chnong Tawang, Arunachal Pradesh iwa em hajan u pood ka India waka China.

Napoh kani ka Helicopter da chem ya i metyap wa da iñkhaw yong ki 7 ngut ki chipai wei kani ka Helicopter toh kawa kit phniang charak ha ki dun (Jerry Can) ki wow pynpoi cha ki chipai.

Advertisement ad1

Katkam ka khubor wa yoh da suba wa uwi na kini ki dun (Jerry Can) wa kit kani ka helicopter da lait u wei da hær u ha ki tnat pankha wa em hadien (Rear Rotor) kiwa da ah ya uni u dun wei da lait ini i phniang, wei hadien ini da kem diñ kani ka Helicopter ha suiñ.

Ya kiwa khlaad da tip kam u Wing Commander B Upadhyay, Squadron Leader S Tiwari, Master Warrant Officer AK Singh u Sergeants Gautam wa u Satish Kumar na ka Indian Air Force, u Sep. HN Deka wa u Sep. E Balaji kiwa naka Indian Army.

Ini ymtoh i sien wa nynkong wa da haap ki Helicopter ha Arunachal Pradesh heiwa nadooh u snem 2010 da em hadooh 7 sien.

Kajiak kamwow pynkynmoo yeiwa jia wa sñiawsih hei yatoh wa ki Helicopter wa kiwi kiwi ki lieñsuiñ ha ka jylla Arunachal Pradesh:

Ha ka 19-04-10 ka Mi-17 Helicopter ka Indian Air Force da haap ko hajan Tawang ha i thaw wa tip kam i Bomdir heiwa da dooh 19 tylli ki mynsien.

Ha ka 19-04-11 ka Pawan Hans Helicopter da hap ko ha Tawang heipor wa mut ko u hiar wei da dooh 17 tylli ki mynsien.

Ha ka 30-04-11 ka Pawan Hans Helicopter wa kit ya u Montri Rangbah ka Arunachal Pradesh da haap ko wei da dooh leh ya i mynsien yong oo wa 4 ngut ki bru.

Ha ka 12-08-15 ka Pawan Hans Helicopter da wiar ko hadien wa mih ko na Khonsa wa kitlang ya u Deputy Commssioner ka Tirap, u Kamlesh Joshi heiwa oo da dooh u ya i mynsien yong oo chirup wa ki arngut ki Pilot.

Ha ka 25-05-17 ki Pilot ka Indian Air Force da dooh ki yei mynsien yong ki hadien wa hap ka Sukhoi-30 Fighter Jet ha khappood ka Assam wa ka Arunachal Pradesh.

Ha ka 04-07-17 Ka Helicopter ka Indian Air Force da wiar ko hajan Sagalee wei hadien wa chem ya ka le ngut ki dkhot ka IAF waka IRBn da dooh ki yei mynsien yong ki.

Ha ka 06-10-17 won toh ini wa dang dep jia.

 

Advertisement ad1
Advertisement ad1

0 Comments

Leave a Reply