15 49.0138 8.38624 1 1 4000 1 http://wyrta.com 300 0

Du hadien wa kem ya u Sordar ye u tip katwon ngut wa em hapoh ka krem mooyong ha Ksan: SP EJH

0 Comments
Advertisement ad1
Advertisement ad1

Jowai: Hajrong i jia wa chah kset ki 13 ngut hapoh i krem mooyong ha Ksan, East Jaiñtia Hills, neiliang u SP ka District u S. Nontnger da pyntip u wa ki pulit mar ya yoh yutip ki yeiwa jia neiliang yong ki da lai ki wut-wut cha kani ka thaw wow leh yeiwa emkaam.

Da pyntip u wa da kem ki ya u tre kani ka thaw, u Jrin Chulet na ka chnong Narwan khnang wow tip hadooh katwon ngut kiwa kreh ha kani ka thaw.

Advertisement ad1

Heiyatoh won wa ki Sordar wa pynkreh ya ka kaam tih mooyong ha kani ka krem, u Nongtnger da pyntip u wa neiliang ki pulit dang thooh ki ya ki Sordar neibhah du ki donhi wa tip katwon ngut wa em hapoh kani ka krem mooyong ha kani ka sngi (heipor wa jia ini waroh).

Chooh chooh da pyntip u wa neiliang u Jrin da phla u wa man u kam u tre kani ka thaw wei neidaw wa haap ko hapoh ka Saipung Police Station ki pulit kani ka thanat dang takit ki ya u Jrin.

Heiyatoh wa u James Sukhlain uwa da suba wa man u kam u Sordar, neiliang u DC ka District, u FM Dopth da pynche u leh wa katkam wa man, u James toh uwa na kani ka Elaka wei kani ka thaw man ko ka thaw sorkari heiwa du tre Elaka wa ye u tih mooyong na iwon iwon i thaw hapoh u pood u ang ka Elaka.

“Boi neidaw wym em poisa u (James), da wan noh da kiwa na baar ka District (Elaka) wow wan tih moo hei pyrtuid yong oo (James), lym kamtæ ym chah ka Elaka wow leh kamni (wow tih mooyong napoh ka Elaka),” da ong u Dopth.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply