Changpung: Ka chnong Changpung Pohchnong ka wa da chah jied kam ka model village ha u MP u Ma V. Pala hapoh ka scheme Sansard Adarsh Gram Yojana (SAGY) ha ka 6 tarik uni u bnai da ioh ko ia i sikai hei iatoh wa ki aiñ wa ki skim wa iatoh wa ki hok ki khynnah u im, u heh u san, u purea puthi, u lait na i pynchitom wa i chait i khiah.

Advertisement ad1

Ha chwa kani ka sngi ka tnat Labour da lai li peit li sylli ko cha ki dukan wa ki thaw kreh wa bun iong ka chnong iow pyntikna wa yei em nae ym em ki khynnah hapoh 14 snem wa kreh ha waroh kini ki thaw.

Ka skim SAGY thmu ko u wanrah ia i roi i par ha waroh ki liang, ioh ka Changpung Pohchnong u man kam ka Model Village kam wa da e por hadooh u snem 2016 hapoh kani ka skim.

U ma S. Lamin u wa man kam u Deputy Labour Commissioner West Jaintia Hills da ong wa ha kini ki sngi daw e certificate ki na ka liang ka tnat Labour wa ym em yo ko iyi iyi wa duna hei iatoh wa ki aiñ ka tnat.

Ka tnat Labour ha kani ka sngi leh, wan khut ko ia ki nong chong chnong u wan pynpsiah pyrtuit ki hapoh ka Meghalaya Building & Other Construction Workers Welfare Board ka scheme hapoh ka aiñ The Building & Other Construction Workers (Regulation of Employment and Condition of Service) Act, 1996. Hapoh kani ka skim ki nong kreh mylla chna iung chna sem daw ioh ki i myntoi wa boonjait na ka liang i chait i khiah kam ka health insurance, i iada ia ki nongkreh na i mynsoo kamjooh leh ka provident fund ka wa ye ki u chim manda chong ngiah ki na i kreh ki.

U ma J.Kharmuti u wa na ka Childline Centre Co-ordinator, Jwai ong u ha kani ka pateiñ katni ki khynnah boonsien chah pynemkaam bakla ki ha kiwa boon ki thaw, wat ha iung leh. kamtæ kyntu u lada em iwon iwon i jingeh, phone cha ka childline,  smat ko wow e iarap.

U ma S.D.Laloo Community Mobilizer SSA Jwai klam u hajrong i hok ki khynnah wow ioh i stat i tip, deiwa ong ki khynnah wa hapoh 14 snem em ki i hok wow ioh bynta hei purea, kamwa ka thong iong ka SSA leh toh iow lai cha man ki chnong  hapoh ka India wow e stat makna, kamjooh da batai u leh kattu katni ki aiñ iong i hok wow ioh iei stat.

Ka kong R.D. Kynjing District Child Protection Officer Jwai, da batai ko ia 4 tylli ki bynta wa kongsan i hok ki khynnah, deiwa ong, em ki i hok wow im, i hok wow roi wow par, i hok wow ioh iada kamjooh i hok wow iachim bynta. Ong ko leh lada pait haki sngi wa katni, katwon wa yoo ry-ai iaki khynnah wa man i por chah pynemkaam bakla ki dei wa pynkhih pynkreh iabor iaki, chah dat chah pynchitom kiwa pli, kamjooh leh chah chong kurim iabor ki wat ha ki wa ha yung ha sem leh. Ong ko leh ha kini ki sngi leh da eh u ioh i chaniah wat na kiwa ha iung ha sem, ki iachong iasah lang.

Neiliang u ma T.L.Tariang Block Development Officer hawa klam kam u kongsan, kyrmen u wa kani ka prokram u iarap ko chiboon iaki nongchong chnong wow sngawthooh ki rap bha hajrong i  hok ki khynnah, kamjooh da kyntu u iaki nongchong chnong wow iakrehlang ki wa kiwon kiwon  ki tnat krehkaam ka sorkar wa wanrah yei roi i par kamjooh i myntoi ha waroh ki liang.

Share this:
Share on Facebook0Tweet about this on TwitterGoogle+0
Advertisement ad1