15 49.0138 8.38624 1 1 4000 1 http://wyrta.com 300

E snaam sñiawbha ki 11 ngut ha ka lehwarom dap 10 snem ka Blood Donation Cell ka Balang Presbyterian

0 Comments
Advertisement ad1

Jowai: Ka Jingiaseng Samla yong ka Balang Presbyterian, Jowai lyngba ka Social Committee ynnin i janmiet da kynmoo warom ko ya ka lyngkhooh dap 10 snem ka “Blood Donation Cell” kawa man kawi naki tnat wa yakrehlang waka Dr.Norman Tunnel Hospital Jowai neibynta i chakri ya ki para bru deiwa e sñiawbha yei snaam yow yarap pynim ya ki mynsien wa kordor yong kitu wa em ha kyndian i mynsien nei kjut chitom.

“Ya kani ka Cell da seiñ ya ka haka 27 Naikhynde 2008, hadien wa ki bor pynlai ka Dr. Norman Turnel Hospital da khana ki wa em chiboon ki mynsien wada dooh noh du  neidaw wym yoh snaam ki, kamtæ nadooh wa sdang won ya ka da em hadooh kamwa 200 ngut ki dkhot wada e snaam sñiawbha cha kiwa kjut ha kani ka thaw sumaar,” da pyntip u Tbn. D.C.Lyngdoh Ex.Co-ordinator, Blood Donation Cell hawa e yei klam haka yalang wada pynman ha Jubilee Hall ka Balang.

Advertisement ad1
Advertisement ad1

“Em chiboon kiwa dang yoh ya ki bei ki pa, ki beipun papun, ki diah ki payu wa kiwa maya toh lyngba i em kani ka Cell, neibhah na kitai ki 200 ngut leh wada e snaam sñiawbha haki 10 snem wada lai, da yarap ko ya kiwa boon ki mynsien naki chnong ki thaw waphær waphær,” ong ka Dr. Nongpluh kawa man kam ka Medical Superintendent Dr. Norman Tunnel Hospital Jowai.

Da ong ko, toh wa ki dkhot kani ka Cell em ki i kitkhlieh neibynta i bha i miat, kamtæ hadooh kani ka kynti la 10 snem dang em i yatoh ki wei i yakrehlang, heijooh i por kyntu ko wow pteiñ ki yei kaam wa bha.

Neiliang ka Dr. P. Shylla Senior Medical & Health Officer I/c Blood Bank Jowai, hawa e yei klam kam ka kongsan da ong ko, em chiboon ki case wa tyngkhooh ki hei yatoh i emkaam snaam, wei iwa rap jhan rap sya toh hawa em i jia accident, heipor wa khreh kha khonboo ka manbei, kamtæ i ye u yarap ya kiwa kam kini ki bru toh lyngba i em ki dkhot kani ka cell, wa boon kiwi tawon ki bru wa em i sñiaw i yoo jngai da wan e sñiawbha ki yei snaam yong ki.

“I snaam toh iwa kordor tam neibhah na ka chi joo ar joo i snaam yong phi pynim ko yei mynsien, wei pynkhai won ko ya kiwa kjut nei thawthiah”.

Chooh chooh ong ko, em chiboon ki luti wa yarap i iwi yeiwi, tangwa i yarap para bru lyngba i snaam man i e sñiawbha wa syad dor tam.

Ha kani ka sngi ka Dr.P. Shylla da pynche ko hajrong ki le jait ki rukom e snaam wa kynthup ka Voluntary Blood Donor, replacement Donor wa ki Professional Doner. Napyrdi kini, ki Professional Doner toh kiwa chim poisa hawa e snaam, ini  pynyoo wa natlor wa chim poisa man leh wa chim kabu ki ya kiwa kjut wa emkaam yarap.

Da khana ko wa i snaam wa yoh na kiwa kam kini ki bru boonsien toh kiwa em boonjait i kjut, i daw wa kam kini ki bru boonsien toh kiwa kyrni hei dih pynmuaid waphær wei i rukom im yong ki man i wym pynsñiawsuk ya ka imlang sahlang, natlor wa katkam ka rukom hi hadien wa dap 3 bnai ye biang ki u e snaam, tangwa kini won du neidaw wow yoh poisa du hadien chitayaw leh jooh wan biang ki, ini ym du wa ktah ko yei chait i khiah yong ki tangwa ympu ye leh u yoh i snaam wa miat naki.

Kiwi won wa e i klam kynthup ki ya u Dr. Marbait Nongpluh na Dr. Norman Tunnel Hospital, u Ialam Shaphrang Lakiang, Vice Chairman Social Committee wa kiwi, haka yalang wa pynlai da u D. Passah Chairman Social Committee.

Chwa ini da em leh ka Blood Donation Camp chirup i yakrehlang ka Blood Bank Jowai wei kamwa 11 ngut ki khynroo khyllood da e sñiawbha ki yei snaam yong ki, nalor wa ha kani ka sngi da ah leh ya u cake dap 10 snem kani ka Cell da u Rev. E. Nongpluh.

Advertisement ad1
Advertisement ad1
Advertisement ad1
Advertisement ad1

Khanglaad ki paidbah ya u Pandit thymme ka Jay....

Previous

Ka 2 tarik ka sngi khang kiad

Next

0 Comments

Leave a Reply