Advertisement ad1

Jowai: Ka Blood Bank Jowai hadien wa da em ko ha i duna snaam wa joor ha kini ki tayaw wa da dep, kamtæ khnang wow pyndap yeini i duna ki nonpait ïa ka da kynjoh ktien ki cha ki nongpyllai ka Northeast Adventist College. Na i liang ki nongpyllai kani ka thaw puræ dei mynsien wa sñiaw khia da pdiang ki yei kyrpad yong ka Blood Bank deiwa pynman da ka Blood Donation Drive næ i e snaam sñiawbha ynne ka sngi hapoh kani ka kolej heiwa da chimbynta hadooh 15 ngut ki khynnah purea kani ka kolej kiwa kynthup ia kawi ka kynthai.

Ha chwa u sdang ini i e snaam da em chwa ka yalang wa tbian heiwa u Doctor S.S. Nongbri uwa pyllai ïa ka Blood Bank, Jowai da pynche u ïa kiwa boonjait ki rukom e snaam kam kiwa wan e mynkna (Voluntary Donor), kiwa wan e snaam kylliang neibynta kiwa hayung hasem kiwa da yoh snaam na kani ka blood bank (replacement blood donor), kiwa e snaam dei dai ïa i snaam yong ki (Paid/Professional donor) weiwa ïa ini i rukom e snaam da khang nadooh u snem 1998. Sa kawi ka rukom tan ko iwa e pyn daki wakjut chwa u chah sumar ki.

Advertisement ad1

I daw wa kongsan dooh u e snaam toh ïa i snaam ym ye u chna da ki stat sayan neitæ i daw ladym em kiwa wan chakhmat wow e snaam daw booh ko i maa wa khroo bha ïa ki bru wa chitom kiwa emkaam snaam hakdak hadooh wa ye ki u dooh yei mynsien yong ki.

Ki kyndon wa emkaam dooh u biang kiwa wan e snaam toh u em ki 18 snem hadoooh 65 snem, kiwa khia palat 45 kilo, ka Blood Pressure wa biang, ka Hemoglobin kawa ym duna ia 12.5 g/dL. Uwi pa uwi u bru ye u e snaam man ka le bnai hadooh 350 ml chisien e weiwa ym chah ktah i chait i khiah ki.

Ki khynnah puræ ynne ka sngi da wan ki chakhmat chynrang wa kynthai u tyrwa snaam. Ha ini i e snaam ki khynnah da em u Dr. S.S. Nongbri ka Dr. P. Shylla wa kiwakreh ka Blood Bank weiwa da yoh myntoi hadooh 15 unit i snaam.

Da em leh kiwa chah kyntait ynne ka sngi neidaw wa ym pu em baing i rta ki wei em leh kiwa duna snaam em leh kiwa da pynche ki doctor wa ym em chait bha ki.

 

 

Share this:
Share on Facebook0Tweet about this on TwitterGoogle+0
Advertisement ad1