Jowai : Chi bynta wow e chakri wei wow yarap yaki bru wa emkaam yarap, ynne ka sngi ki khynroo khyllood ka  Loompariat, Jowai kawa da tip kam ka Loompariat Youth Social Welfare Organisation da lai e sñiawbha ko cha ki khonswet ka Children Home kawa em ha Wahiajier West Jaintia Hills District.

Ha kani ka sngi ka seiñ da e ko da ka song poisa wa u khoo ar churia, wei da pynlut por ki chibet chipor wa kini ki khunswet.

Hachwa wow ekti ya kini cha ki nongpynlai  yong kani ka Children Home da em ka yalang tbian heiwa nei liang ki dkhot kani ka seiñ wa kynthup ya u J.K.Rymbai President LYSWO, kong E.Manner, Executive Member, ma Wanlutpor Pohiing, General Secretary wa kiwi kiwi da e kyntien e mynsien wei e sneiñ kyntu wei wow kynmoo ya u Blai khnang wa u pyndap yeiwa emkaam ki man ka sngi.

U pastor R.M.Syngkon wa pait ya ka District Nangjngi uwa man leh na ka dong Loompariat, hawa klam e mynsien u ya ki khynnah deiwa ong wa hanlada wan ki na ki chnong wapher wapher tangwa yaryngkat ki kam ki bru waroh.

Ka nongpait nongsumar yong kani ka Children Home ka kong Willy Lakiang da ong ko wa ya kani ka Children Home da seiñ nadooh u Wisu 2012 kawa man katni em kamwa 19 ngut ki khynnah. Da ong ko leh wa ka Synod thmu ko u chna sa ar tylli ki builing nei bynta ki khynnah kynthai wa chynrang yong kani ka thaw ri khonswet.

Share this:
Share on Facebook0Tweet about this on TwitterGoogle+0
Advertisement ad1