15 49.0138 8.38624 1 1 4000 1 http://wyrta.com 300 0
Advertisement ad1

E yarap ka JSU-War Jaiñtia cha ka manyung ka Sohkha Mission

0 Comments

Jowai: Ka seiñ JSU-War Jaiñtia da e sñiawbha ko da ki tin sap yung wa ki tiar wa emkaam cha ka manyung ha Sohkha Mission kawa da chah ktah hei diñ iwa da baam lut yei yung kamwa chi tayaw nachwa.

Ka seiñ hapoh i yahkhmat u General Secretary u Kerrydiam Lamin wa ki dkhot ryngkat i yakrehlang wa u President u Eddy Kery Pohtam da e yarap ki cha ka manbei, ka Dahun Lamin kawa sah wai ha yung yong ka Lucy Pohtam kiwa da dooh lut yeiwa em.

Ka seiñ da ong ko wa ini i yarap wa khian man i kam chi bynta wow e thaw rieh ya ka manyung ka Dahun Lamin wei khnang wow ye biang ki u sdang thymme. Ka JSU War Jaintia da kyntu ko leh ya kiwi wow wan e yarap cha kani ka manyung khamtam na ki bru samen.

Kamjooh da kyntu ko leh ya ka bor sorkar wow pynsmat u e yarap ya waroh ar liang ki manyung yong ka Lucy Pohtam wa ka Dahun Lamin kawa man kawa chong wai.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply