15 49.0138 8.38624 1 1 4000 1 http://wyrta.com 300

Em hadooh kamwa 2 lak ngut hapoh jylla kiwa ympu em pynpsiah pyrtuid kam kiwa thap Vote: FR Kharkongor

0 Comments

Shillong: Chibynta wow pynsñiawthooh wei wow pynche ya ki khynroo khyllood hajong i rukom wei i myntoi wa yoh na i thap vote, da sdang noh ya ki Electoral Literacy Club (ELC) da u Meghalaya Chief Electoral Officer, u F.R. Kharkongor deiwa pynlait paidbah ya ka chaap yong ka ELC, ha Headquarter ka Bharat Scouts and Guides, Pine Mount Ridge ynne ka sngi.

Ki ELCs toh ki dhab wa da chna ha waroh ka ri ki wow kreh katkam ki kyndon wa ki hukum ka Election Commission of India (ECI) wow kyntu kynrong ya ka rukom thap vote wei wow pynchlur ya ki wow batai wei wow pynche yei rukom thap vote da ki ktien wa klam ha ki chnong ki thaw yong ki hi.

Yow poi ha ka thong wa jop, ya ki ELCs da bhah ar bynta kitæ toh ka Secondary wa Senior Secondary School deiwa mang ya ki wow thap Vote wa mynried namo ki Future Voter kiwa em hapyrdi i rta wa 14 – 17 snem wa kiwa lai College wa 18 – 21 snem.

Hawa e i klam ha kani ka sngi, u Kharkongor da ong u wa na ki 18, 42,000 ngut kiwa ye u thap vote ha ka jylla em hadooh 2 lak kiwa emhok tangwa ki wympu pynpsiah pyrtuid kam kiwa thap Vote ha ka Election Department wei i em kini ki ELC daw pynduna ko ya kini waroh.

Ha kani ka sngi da e leh ya ka PowerPoint Presentation na u Shan Warjri, Extra Assistant Commissioner, West Khasi Hills District, Nongstoin hajrong ka phang Electoral Literacy Clubs – Introduction, wa i klam na u K.G. Nongrum, Sr. System Engineer, CEO’s Office, Meghalaya hajrong ka phang Summary Revision of Electoral Rolls.

Da pynlait leh ya ka sur wa e pyrtuid “Freedom” wa da pynkhreh da ka dhab Summersalt.

Advertisement ad1

Daw joor u slap ha ki le sngi wow wan

Previous

Sdang ka pynyoo rong wa tip kam ka Internation....

Next

0 Comments

Leave a Reply